ملک کا سب سے بڑا ایشو ’’مجھے کیوں نکالا‘‘ ہے عمران خان

نمل یونیورسٹی آگاہی پروگرام کے سلسلے میں دبئی آمد پر چیئرمین پی ٹی آئی کی میڈیا سے گفتگو

عبدالرحمان رضا November 17, 2017

پاکستان میں میں آکسفورڈ یونیورسٹی جیسا تعلیمی ادارہ بنارہے ہیں، عمران خان۔ فوٹو: فائل

پاکستان تحریک انصاف کے چیئرمین عمران خان نے کہا ہے کہ ملک کا سب سے بڑا ایشو ''مجھے کیوں نکالا'' ہے۔

سربراہ تحریک انصاف عمران خان نے دبئی میں صحافیوں سے ملاقات میں سیاسی گفتگو سے گریز کیا لیکن ایک سوال پر انھوں نے کہا کہ ملک کا سب سے بڑا ایشو ''مجھے کیوں نکالا '' ہے۔

عمران خان نمل یونیورسٹی میانوالی کیمپس کے حوالے سے آگاہی پروگرام کے سلسلے میں دبئی میں ہیں جہاں نمل یونیورسٹی کیلیے فنڈریزنگ کی تقریب سے خطاب میں عمران خان نے کہا کہ پاکستان میں ریسرچ کیلیے نالج سٹی بنانے کا منصوبہ ہے، پاکستان میں میں آکسفورڈ یونیورسٹی جیسا تعلیمی ادارہ بنارہے ہیں۔

واضح رہے کہ نمل یونیورسٹی کے تعاون سے دبئی میں پاکستان بزنس کونسل ایونٹ منعقد ہوا، ایونٹ میں چیئرمین پی ٹی آئی عمران خان ، رہنما جہانگیر ترین نے بھی شرکت کی جب کہ تقریب کے آغاز پر پاکستان اورمتحدہ عرب امارات کے قومی ترانے پیش کیے گئے۔