خود کش بمبار کو نشے کے انجکشن لگائے گئے، اہل خانہ

وزیرستان: خود کش بمبار کے والد اور بھائیوں کے ہوش ربا انکشافات منظر عام پر آگئے۔

وزیرستان کا 17 سالہ نوجوان نظام الدین ٹی ٹی پی کے ہتھے چڑھ گیا تھا۔ اسے 17 اگست 2023 کو پاک فوج پر خودکش حملے کے لیے استعمال کیا گیا۔ شناخت ہونے کے بعد اس کے والد اور بھائیوں کو بیرون ملک سے ڈی پورٹ کر دیا گیا۔

نظام الدین کے والد کا کہنا تھا کہ بیٹے کی اس غلطی کی وجہ سے آج خاندان کا روزگار چھن چکا، رشتے ناطے اور تعلق بھی ٹوٹ گئے، میرے بیٹے کو افغانستان لے جایا گیا جہاں اسے غلط تربیت دی گئی، نظام الدین کے اس عمل سے آج ہماری کوئ عزت نہیں رہی۔

بھائی نے کہا کہ ٹی ٹی پی نے بھائی کو نشے کے انجکشن لگائے، پیسے کا لالچ دے کر ورغلایا گیا اور اسے ایسا کرنے پر مجبور کیا گیا۔