- چار اکتوبر کو ہر صورت ڈی چوک پہنچیں گے چاہیے جتنا وقت لگے، وزیر اعلیٰ کے پی
- کراچی؛ ٹریفک قوانین کی خلاف ورزی کرنے والوں کے لائسنس منسوخ کرائے جائیں، ڈی آئی جی ٹریفک
- نائیجیریا؛ سالانہ مذہبی تقریب کیلئے جانے والے افراد کی کشتی ڈوبنے سے 150 افراد لاپتا
- چیف الیکشن کمشنر کی تعیناتی کے خلاف درخواست سماعت کیلیے مقرر
- ربیع سیزن میں پنجاب اور سندھ کو پانی کی قلت کا سامنا ہوگا، ارسا
- ملائیشیا کے وزیراعظم انورابراہیم تین روزہ دورے پرپاکستان پہنچ گئے
- لبنان؛ حزب اللہ سے جھڑپ میں 8 اسرائیلی فوجی ہلاک
- اسموگ ایکشن پلان کے باعث لاہور سمیت دیگر شہروں میں فضائی آلودگی میں نمایاں کمی
- 4 اکتوبر کو ہر صورت ڈی چوک پر پُرامن احتجاج کریں گے، علیمہ خان
- ویت نام ؛ برڈ فلو کی وجہ سے دو ماہ میں 53 شیر اور چیتے ہلاک
- ٹرانسفارمیشن پلان، ایف بی آر نے بورڈ ممبران کے عہدے ختم اور ضم کردیے
- پی ٹی ایم کے کیمپ پر پولیس کارروائی، بیرسٹر سیف نے ملبہ وفاق پر ڈال دیا
- پاکستان اور ڈنمارک کے درمیان پائیدار بندرگاہوں اور انفراسٹرکچر میں تعاون کے معاہدے پر دستخط
- آئینی ترامیم نہ ہونے کی صورت میں پیدا ہونے والے حالات پھر شاید کسی کے کنٹرول میں نہ رہیں، بلاول بھٹو زرداری
- توشہ خانہ ٹو ریفرنس میں فرد جرم عائد نہ ہوسکی
- نواز شریف کے بیان پر خیبر پختونخوا حکومت کا ردعمل سامنے آگیا
- معیشت، سوسائٹی، گورننس کو ڈیجیٹلائز کررہے ہیں، وزیرمملکت آئی ٹی
- ٹیسٹ رینکنگ؛ بابر اعظم کی تنزلی، محمد رضوان کی ترقی
- پنجاب میں7 اضلاع کے ڈپٹی کمشنر سمیت 12 افسران کے تقرر و تبادلے کے احکامات جاری
- معروف اسکالر ڈاکٹر ذاکر نائیک کراچی پہنچ گئے
پی ٹی آئی کی پارلیمانی پارٹی نے سیکریٹری جنرل عمر ایوب کا استعفیٰ مسترد کردیا
اسلام آباد: پاکستان تحریک انصاف (پی ٹی آئی) کی پارلیمانی پارٹی نے عمرا یوب کی جانب سے سیکریٹری جنرل کے عہدے سے دیے گئے استعفے کو مسترد کرتے ہوئے بانی پی ٹی آئی عمران خان سے اپنے فیصلے پر یوٹرن لیتے ہوئے عمر ایوب کا استعفیٰ منظور نہ کرنے کا مطالبہ کردیا۔
پارلیمنٹ ہاؤس میں پی ٹی آئی کی پارلیمانی پارٹی کا اجلاس ہوا جہاں متفقہ طور پر عمرایوب پر پی ٹی آئی کے سیکریٹری جنرل کے طور مکمل اعتماد کا اظہار کیا گیا۔
اجلاس کے بعد جاری بیان میں کہا گیا کہ پارلیمانی پارٹی متفقہ طور پر مطالبہ کرتی ہے کہ عمرایوب کا استعفیٰ منظور نہ کیا جائے اور انہیں پارٹی کے سیکریٹری جنرل کے طور پر اپنا کام جاری رکھنے کی ہدایت کی جائے۔
پی ٹی آئی کی پارلیمانی پارٹی کی جانب سے عمران خان سے مطالبہ سیکریٹری جنرل عمر ایوب کے پارٹی عہدے سے استعفے کے 24 گھنٹوں کے اندر سامنے آیا ہے تاہم عمر ایوب پارٹی کے اعلیٰ عہدے سے استعفے کے باوجود قومی اسمبلی میں بدستور قائد حزب اختلاف ہیں۔
عمر ایوب کے استعفے پر پی ٹی آئی کے اندر اختلافات کی رپورٹس پر اراکین میں کنفیوژن کا تاثر پایا جاتا ہے جہاں ایک طرف پارٹی نے عمران خان کی رہائی کے لیے ریلیاں اور احتجاج کا اعلان کردیا ہے تو دوسری طرف سیکریٹری جنرل نے پارلیمانی امور پر توجہ دینے کی غرض سے پارٹی کا اہم عہدہ چھوڑ دیا ہے۔
پی ٹی آئی کی پارلیمانی نے ان خبروں کی شدید مذمت کی، جس میں کہا گیا تھا کہ پارٹی کے اندر فارورڈ بلاک بن چکا ہے اور واضح کیا کہ پارلیمانی پارٹی یا پارٹی کے اندر کوئی فارورڈ بلاک نہیں ہے اور بانی چیئرمین عمران خان کی قیادت میں سب متحد ہیں۔
یہ بھی پڑھیں: عمر ایوب نے پی ٹی آئی کے سیکریٹری جنرل کے عہدے سے استعفیٰ دے دیا
خیال رہے کہ عمرایوب نے گزشتہ روز سماجی رابطے کی ویب سائٹ ایکس پر پارٹی کے سیکریٹری جنرل کے عہدے استعفیٰ کا اعلان کرتے ہوئے کہا تھا کہ بطور پی ٹی آئی سیکریٹری جنرل میرا استعفیٰ قبول کرنے پر بانی پی ٹی آئی کامشکور ہوں، میں نے اپنا استعفیٰ 22 جون کو بانی پی ٹی آئی اور چیئرمین بیرسٹر گوہر علی کو بھیج دیا تھا۔
انہوں نے کہا کہ سینیٹ میں قائد حزب اختلاف سینیٹر شبلی فراز صاحب نے بانی پی ٹی آئی سے آج اڈیالہ جیل میں ملاقات کے دوران میرا پیغام پہنچایا۔
عمر ایوب نے کہا کہ بطور اپوزیشن لیڈر پارٹی کے سیکریٹری جنرل کے عہدے سے انصاف نہیں کر پا رہا تھا لہٰذا کسی اور شخص کو پارٹی کا سیکریٹری جنرل نامزد کیا جائے۔
انہوں نے پارٹی کے بطور سیکریٹری جنرل کے علاوہ پی ٹی آئی کے چئیرمین سینٹرل فنانس بورڈ کے عہدے سے بھی استعفیٰ دے دیا ہے۔
عمر ایوب کا کہنا تھا کہ میں پی ٹی آئی کے لیے ایک کارکن کی حیثیت سے پی ٹی آئی کے نظریے کے مطابق کام کرتا رہوں گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔