- اوورین کینسر سے بچاؤ کیلیے پہلی ویکسین تیاری پر کام جاری
- مخالف کھلاڑی کو کاٹنے والے فٹبالر پر پابندی عائد
- ٹیسلانے 27 ہزار سے زیادہ سائبر ٹرکس واپس منگوالیے
- پروفیشنل باکسنگ میں پاکستان کے ٹاپ پروفیشنل باکسر محمد وسیم کی ایک اور کامیابی
- کے الیکٹرک نے صارفین کیلیے ڈسکاؤنٹ پروگرام ’’اسٹار ریوارڈ‘‘ متعارف کرا دیا
- کراچی چیمبر آف کامرس اینڈ انڈسٹری کا سوشل سیکیورٹی کنٹری بیوشن کی شرح میں کمی کا مطالبہ
- سندھ ہائیکورٹ نے پی ٹی آئی کراچی کے صدر کی حفاظتی ضمانت منظور کر لی
- وزیر داخلہ کا رات گئے ڈی چوک کا دورہ، سیکیورٹی صورتحال کا جائزہ
- قصور میں ناکہ زن ڈاکو نے درجنوں راہگیروں کو لوٹ لیا، پولیس کا کارروائی سے انکار
- وفاقی حکومت کا لیہ میں سولر پاور پلانٹ لگانے کا فیصلہ
- ایف بی آر اور آزاد جموں و کشمیر کی ٹیکس اتھارٹیز کے درمیان تنازعہ پیدا ہو گیا
- شہریوں کے نام پر جاری غیر قانونی سمیں افغان باشندے کو فروخت کیے جانے کا انکشاف
- ٹرمپ کا کیس سننے والے جج کو دھمکی دینے والے ملزم پر فرد جرم عائد
- پاک-انگلینڈ ٹیسٹ سیریز؛ تیسرے اور آخری میچ کے لیے مقام کی منتقلی کے سائے بڑھنے لگے
- عالمی کھجور فیسٹیول کے کامیاب انعقاد پر یو اے ای قونصل خانے میں پرتکلف عشائیہ
- امریکی فوج کا یمن میں حوثیوں کے زیرانتظام مختلف شہروں پر 15 حملے
- کراچی: گلشنِ معمار میں مبینہ مقابلہ، ایک ڈاکو ہلاک
- کراچی میں نوجوان کی خود کو گولی مار کر خودکشی
- بھارتی نژاد سنگاپور کے سابق وزیر کو کرپشن کے الزام میں قید کی سزا
- لندن سے امریکا کا سفر دو گھنٹے میں کب ممکن ہوگا؟
خیبرپختونخوا حکومت کا ہزارہ ڈویژن کیلیے علیحدہ سیکریٹریٹ قائم کرنے کا فیصلہ
اسلام آباد: وزیراعلیٰ خیبرپختونخوا علی امین گنڈا پور نے کہا ہے کہ عوام کو فوری ریلیف کی فراہمی اور لوگوں کو درپیش مسائل کے حل کیلیے ترجیحی بنیادوں پراقدامات کیے جارہے ہیں۔
تفصیلات کے مطابق وزیر اعلیٰ خیبر پختونخوا علی امین خان گنڈاپور کی زیر صدارت ملاکنڈ، پشاور، ساؤتھ اور ہزارہ رییجنز کے پارلیمنٹیرینز کے الگ الگ اجلاس ہوئے، جس میں ممبران اسمبلی کے حلقوں میں فوری نوعیت کے عوامی مسائل کے حل اور عوامی فلاح و بہبود کے منصوبوں سے متعلق معاملات پر گفتگو کی۔
ممبران اسمبلی نے اپنے اپنے حلقوں میں صحت، تعلیم، مواصلات، گورننس اور بجلی سے متعلق عوامی مسائل سے متعلق آگاہ کیا۔ وزیر اعلیٰ کی ان مسائل کے حل کے لئے ترجیحی بنیادوں پر ضروری کارروائیاں عمل میں لانے کی یقین دہانی کرائی۔
وزیراعلیٰ علی امین گنڈا پور نے کہا کہ عوام کو فوری ریلیف کی فراہمی اور لوگوں کو درپیش مسائل کے حل کے لئے ترجیحی بنیادوں پر اقدامات کئے جا رہے ہیں، اس مقصد کے لئے گورننس کے نظام کو بہتر بنایا جا رہا ہے، مختلف سماجی شعبوں میں سروس ڈیلیوری کو عوامی توقعات کے مطابق بنایا جائے گا۔
انہوں نے کہا کہ صوبے میں جاری ترقیاتی منصوبوں کی بروقت تکمیل صوبائی حکومت کی ترقیاتی پالیسی کا اہم جز ہے، جو منصوبے تکمیل کے آخری مراحل میں ہیں انہیں پہلی فرصت میں مکمل کیا جائے گا، تکمیل کے آخری مراحل میں داخل 600 مختلف منصوبوں کو اس سال مکمل کیا جائے گا، صوبائی حکومت ان منصوبوں کو مکمل فنڈنگ کر رہی ہے۔
وزیراعلیٰ نے کہا کہ کام کے معیار پر سمجھوتہ کئے بغیر ترقیاتی منصوبوں کی بروقت تکمیل اہم ترجیح ہے، عوامی فلاح و بہبود کے ترقیاتی منصوبوں کی بروقت تکمیل پر کوئی سمجھوتہ نہیں ہوگا، ترقیاتی منصوبوں پر ٹائم لائنز کے مطابق پیشرفت اور ان کی بروقت تکمیل کے لیے لائحہ عمل تیار کر رہے ہیں۔
علی امین گنڈا پور کا کہنا تھا کہ اس مقصد کے لئے ساؤتھ ریجن کے لئے الگ سیکرٹریٹ کا قیام عمل میں لایا جا رہا ہے، ساؤتھ ریجن سیکرٹریٹ کے طرز پر ہزارہ ریجن کے لئے بھی الگ سیکرٹریٹ قائم کیے جائیں گے تاکہ ترقیاتی منصوبے بروقت مکمل ہوں اور ان کے ثمرات بروقت عوام تک پہنچ سکیں۔
وزیر اعلیٰ نے ہدایت کی کہ منتخب عوامی نمائندے اپنے اپنے علاقوں میں ترقیاتی کاموں اور سروس ڈیلیوری کے عمل کی کڑی نگرانی کریں۔
اجلاس میں ترنول اسلام آباد میں پی ٹی آئی کے متوقع جلسے کی تیاریوں سے متعلق معاملات پر بھی گفتگو کی گئی جبکہ انتظامات اور لائحہ عمل کے بارے مشاورت کی گئی۔ جلسے کی تیاریوں کے لئے پارلیمنٹیرینز اور پارٹی قائدین کو ٹاسک بھی دیا گیا۔
ممبران اسمبلی کی طرف سے مجوزہ جلسے کو ایک کامیاب اور تاریخی جلسہ بنانے کے عزم کا اظہار کیا گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔