- پی ٹی آئی رہنماؤں پر کیا الزامات عائد ہیں؟ ایف آئی آر سامنے آگئی
- امیگریشن حکام کے ہاتھوں 83 افراد جعلی دستاویزات کی بنیاد پر گرفتار
- لاہور کے مختلف علاقوں سے 7 افراد کی لاشیں ملیں
- ایئر پورٹس کی آؤٹ سورسنگ؛ کراچی، لاہور اور اسلام آباد ایئرپورٹس کے نئے اعدادوشمار طلب
- پتوکی؛ کھیت میں گھسنے پر بااثر زمیندار نے کلہاڑی سے گدھی کی ٹانگ کاٹ دی
- لاہور میں گھریلو ملازمہ مالکن کو نشہ آور چیز پلا کر گھر کا صفایا کر گئی
- شہریوں کو غیر قانونی طور پر بیرون ملک بھجوانے میں ملوث انسانی اسمگلر گرفتار
- روس کو میزائلوں کی فراہمی؛ برطانیہ، جرمنی اور فرانس کا ایران پر پابندیوں کا اعلان
- انٹرنیٹ اور سوشل میڈیا صارفین کیلئے محفوظ بنانے کی مہم کا آغاز
- زرمبادلہ کی دونوں مارکیٹوں میں ڈالر کی پیش قدمی رک گئی
- چین کے اعلیٰ سطح کے تجارتی وفد کا ایس آئی ایف سی کا دورہ
- صدرمملکت نے پشاور ہائیکورٹ میں ججوں کی تعداد 30 کردی
- گلبرگ میں پولیس وردی میں وارداتیں کرنے والا ملزم گرفتار
- انسداد دہشت گردی عدالت؛ پی ٹی آئی ارکان اسمبلی کا 8 روزہ جسمانی ریمانڈ منظور
- اسٹاک مارکیٹ میں تیزی کا رجحان، 79ہزار پوائنٹس کی سطح عبور
- لاہور: پولیس کی زیر حراست موٹر سائیکل چور نے واش روم میں خودکشی کرلی
- پریڈی اسٹریٹ ٹو کورنگی روڈ ایکسٹینشن کے بڑے منصوبے پر کام کا آغاز
- فلک ناز چترالی کی فیصل واوڈا کے خلاف نازیبا زبان، سینیٹ رکنیت دو روز کیلئے معطل
- نو مسلم خاتون کیساتھ جنسی زیادتی پر معروف اسکالر طارق رمضان کو 3 سال قید
- گورنر سندھ کو ایتھوپیا کے اعلیٰ ترین اعزاز سے نواز دیا گیا
"خلیل الرحمٰن خبروں میں آنے کیلئے بڑے اداکاروں کیخلاف باتیں کرتے ہیں"
![ریشم نے خلیل الرحمٰن قمر کو مشورہ دیا : فوٹو : ویب ڈیسک](https://c.express.pk/2024/07/2667031-khalil-1720847377-564-640x480.jpg)
ریشم نے خلیل الرحمٰن قمر کو مشورہ دیا : فوٹو : ویب ڈیسک
لاہور: پاکستانی فلم اسٹار ریشم نے کہا ہے کہ ڈرامہ نگار خلیل الرحمٰن قمر کو جب وائرل ہونا ہوتا ہے تو وہ انٹرویوز میں بیٹھ کر اداکاروں کے خلاف بیان دینا شروع کردیتے ہیں۔
حال ہی میں ایک انٹرویو کے دوران ریشم سے معروف ڈرامہ نگار خلیل الرحمٰن قمر کے بارے میں سوال کیا گیا جس پر اداکارہ نے کہا کہ میں اس مصنف کے بارے میں بات نہیں کرنا چاہتی لیکن یہ ضرور کہوں گی کہ اب اُنہیں دوسروں پر تنقید کرنا چھوڑ دینا چاہیے۔
ریشم نے کہا کہ خلیل الرحمٰن کو اپنی صحت پر توجہ مرکوز کرنی چاہیے، میں نے اُن کے حالیہ انٹرویوز دیکھے ہیں جن میں اُن کی صحت خراب نظر آرہی تھی، اب اُن کے چہرے پر بھی پہلے جیسی رونق نہیں رہی۔
اداکارہ نے کہا کہ خلیل الرحمٰن قمر بالکل بدل گئے ہیں، وہ پہلے ایک خوبصورت آدمی تھے، ہم نے ہمیشہ سنا ہے کہ اندرونی خوبصورتی آپ کی ظاہری شکل کو بڑھا دیتی ہے لیکن اگر آپ لوگوں پر تنقید کریں گے تو بدصورت ہی نظر آئیں گے۔
مزید پڑھیں: لوگ کہتے ہیں حرام کی کمائی کا لنگر بانٹتی ہوں، ریشم
اُنہوں نے کہا کہ میرے چہرے پر جو تھوڑی بہت ترو تازگی اور خوبصورتی ہے یہ میرے لنگر (خیرات) کی وجہ سے ہے، میرے اس نیک عمل سے اللہ تعالیٰ بھی خوش ہوتے ہیں۔
ریشم نے کہا کہ خلیل الرحمٰن قمر نے حال ہی میں نعمان اعجاز کے بارے میں نامناسب الفاظ استعال کیے، مجھے یہ سُن کر بہت بُرا لگا کہ ہمارے ڈرامہ نگار کس طرح پاکستان کے لیجنڈری اداکار نعمان اعجاز کو بُرا بھلا کہہ رہے ہیں۔
اداکارہ نے کہا کہ نعمان اعجاز ایک شاندار اداکار ہیں، ہمیں اس بات کو قبول کرنا چاہیے اور ان کا احترام کرنا چاہیے۔ میں نے بھی نعمان اعجاز کے ساتھ کام کیا ہے اور میرا تجربہ شاندار رہا، وہ میرے منہ بولے بھائی ہیں۔
مزید پڑھیں: نعمان اعجاز نے خلیل الرحمٰن کو ‘احمق’ قرار دیدیا
اُنہوں نے مزید کہا کہ خلیل الرحمٰن ایک چالاک لکھاری ہیں جو خبروں میں آنے کے لیے جان بوجھ کر اداکاروں کے خلاف بات کرتے ہیں، وہ شہرت حاصل کرنے اور سوشل میڈیا پر وائرل ہونے کے لیے ماہرہ خان، صبا قمر اور نعمان اعجاز جیسے بڑے اداکاروں کے خلاف بیان دیتے ہیں۔
واضح رہے کہ گزشتہ دنوں نجی ٹی وی چینل کو دیے گئے انٹرویو میں خلیل الرحمٰن قمر نے کہا تھا کہ نعمان اعجاز ایک گھٹیا آدمی ہیں، پوری دنیا میں صرف نعمان اعجاز ہیں جن سے اُنہیں نفرت ہے باقی لوگوں پر غصہ آتا ہے لیکن نفرت کسی سے نہیں ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔