- لاہور میں پولیو ٹیم پر تشدد میں ملوث خاتون سمیت 2 افراد گرفتار
- ہندو انتہاپسندوں کی دھمکی؛ دوسرا منتقل کرنے کی افواہیں گردش کرنے لگیں
- سندھ میں الیکٹرک ٹیکسی منصوبہ، شرجیل میمن سے آٹو کمپنیوں کے نمائندوں کی ملاقات
- اسلام آباد ہائیکورٹ نے پی ٹی آئی کے گرفتار رہنماؤں کا جسمانی ریمانڈ معطل کردیا
- پشاور میں نشئی افراد کے علاج کیلئے 320 ملین روپے مختص
- دیور نے بھابھی کو قتل کردیا؛ دونوں کے درمیان غیرازدواجی تعلقات تھے
- غزہ کی صورتحال پرعالمی برادری کی خاموشی سوالیہ نشان ہے،دفترخارجہ
- فیصل واوڈا، مصطفیٰ کمال پریس کانفرنس؛ ٹی وی چینلز کے معافی نامے منظور
- کے پی میں پولیس پر حملے : اہلکاروں کا احتجاج، بنوں میں اہلکاروں نے لاش رکھ کر دھرنا دیدیا
- اسلام آباد ہائیکورٹ نے پی ٹی آئی کے گرفتار رہنماؤں کا جسمانی ریمانڈ معطل کردیا
- طیفی بٹ کے بہنوئی کے قتل میں ملوث شوٹرز شناخت کرلیے گئے
- غیر معمولی جسامت اور وزن رکھنے والی بلی
- بھارت میں جنسی زیادتی کی شکار خاتون کی سر بریدہ اور برہنہ لاش برآمد
- عمران خان، بشری بی بی کا ضمانت درخواست پرجلد فیصلے کیلیے اسلام آباد ہائی کورٹ سے رجوع
- پیرس سینٹ جرمن کلب نے ایمباپے کی کتنی رقم ہڑپ کی، فٹبالر کا بڑا دعویٰ
- ننھی بیٹیوں کو پانی کے ٹینک میں دھکا دے کر ماں بھی کود گئی، تینوں جاں بحق
- پی ٹی اے نے ایکس کی بندش سے متعلق نوٹیفیکیشن واپس لے لیا
- نکاح کےلیے جزو لازم حق مہر یا جہیز؟
- سونے کی عالمی اور مقامی مارکیٹوں میں قیمت کم ہو گئی
- پیٹرول مصنوعات کی قیمتوں میں بڑی کمی کا امکان
امبانی کی شادی میں پاکستانی ڈیزائنرز کے ملبوسات کے چرچے
![امبانی کی شادی میں بالی ووڈ اسٹارز نے پاکستانی ڈیزائنرز کے ملبوسات کی دھوم مچا دی : فوٹو : ویب ڈیسک](https://c.express.pk/2024/07/2668103-ambani-1721016526-732-640x480.jpg)
امبانی کی شادی میں بالی ووڈ اسٹارز نے پاکستانی ڈیزائنرز کے ملبوسات کی دھوم مچا دی : فوٹو : ویب ڈیسک
ممبئی: ایشیا کے امیر ترین بھارتی بزنس ٹائیکون مکیش امبانی کے چھوٹے بیٹے اننت امبانی کی شادی میں بالی ووڈ اسٹارز نے پاکستانی ڈیزائنرز کے ملبوسات کی دھوم مچا دی۔
گزشتہ 7 ماہ سے جاری اننت امبانی اور رادھیکا مرچنٹ کی شادی بالآخر اختتام پذیر ہوگئی ہے، اس مہنگی ترین شادی میں بالی ووڈ اسٹارز سمیت کھیلوں اور مختلف شعبوں سے رکھنے والی دُنیا بھر کی معروف شخصیات نے شرکت کی۔
اننت اور رادھیکا کی شادی میں بالی ووڈ ستارے ایک سے بڑھ کر ایک مہنگے اور دلکش ملبوسات میں جلوہ بکھیرتے نظر آئے۔
مزید پڑھیں: امبانی کی شادی، بچن خاندان کے فیملی فوٹو شوٹ سے ایشوریا رائے غائب
عالمی میڈیا کی توجہ حاصل کرنے والی اس عالیشان شادی میں جہاں معروف شخصیات نے بھارتی ڈیزائنرز کے ملبوسات زیب تن کیے تو وہیں اس شادی میں چند بھارتی اسٹارز ایسے بھی تھے جنہوں نے پاکستان کے مشہور ڈیزائنر اقبال حسین، فراز منان اور محسن نوید رانجھا کے تیار کردہ ملبوسات کا انتخاب کیا۔
بالی ووڈ اسٹار عالیہ بھٹ، سارہ علی خان، کینیڈین گلوکار اے پی ڈھلن اور بھارتی کرکٹر ہاردک پانڈیا نے امبانی کی شادی میں شرکت کے لیے پاکستانی ڈیزائنر کے ملبوسات زیب تن کیے۔
عالیہ بھٹ:
اننت امبانی اور رادھیکا مرچنٹ کے سنگیت کی تقریب میں عالیہ بھٹ نے پاکستان کے معروف ڈیزائنر فراز منان کا تیار کردہ سیاہ رنگ کا لہنگا زیب تن کیا، اداکارہ کے لباس اور اسٹائل کو سوشل میڈیا پر خوب پسند کیا گیا۔
سارہ علی خان:
بالی ووڈ کے نواب سیف علی خان کی اکلوتی بیٹی و اداکارہ سارہ علی خان نے اننت امبانی کی شادی کے پہلے روز ‘شبھ ویواہ’ پر نامور پاکستانی ڈیزائنر اقبال حسین کا تیار کردہ زیتونی رنگ والا انارکلی لباس زیب تن کیا۔
سارہ علی خان نے شادی کے دوسرے روز ‘شبھ آشیرواد’ کی تقریب میں بھی اقبال حسین کا انتخاب کرتے ہوئے لانگ فراک اور گولڈن لہنگا پہنا، بالی ووڈ اداکارہ سے قبل یہ جوڑا پاکستان کی صفِ اول اداکارہ ماہرہ خان بھی پہن چکی ہیں۔
ہاردک پانڈیا:
بھارتی کرکٹر ہاردک پانڈیا نے کرکٹ کے میدان کی ساری رنجشیں ایک طرف رکھتے ہوئے امبانی کی شادی کے لیے بھارتی فیشن ڈیزائنرز پر پاکستانی ڈیزائنر کو ترجیح دی۔
ہاردک پانڈیا نے اننت اور رادھیکا کی شادی میں شرکت کے لیے معروف پاکستانی ڈیزائنر فراز منان کا تیار کردہ ہلکے گلابی رنگ کے جوڑے کا انتخاب کیا۔
اے پی ڈھلن:
کینیڈین پنجابی گلوکار اے پی ڈھلن نے بھی امبانی کی شادی کی تقریب کے لیے پاکستانی ڈیزائنر فراز منان کے تیار کردہ شاہکار کو ترجیح دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔