- ن لیگ کے اقلیتی رکن بلوچستان اسمبلی انتقال کر گئے
- مولانا فضل الرحمان کی حکومت کو آئینی ترمیم پر ووٹ دینے کی یقین دہانی
- فخر کے بعد عامر بھی بابراعظم کے حق میں بول اُٹھے
- وفاقی کابینہ نے 26ویں آئینی ترمیم کی منظوری دے دی
- مہر بانو نے زین قریشی کی گمشدگی کی تصدیق کر دی
- بابراعظم کے والد نے بیٹے کو ٹیسٹ اسکواڈ سے باہر کرنے پر خاموشی توڑ دی
- آئینی ترامیم کی منظوری کے لئے دیگر آپشنز موجود ہیں، وزیر اطلاعات
- آئینی ترامیم؛ پی ٹی آئی کے 3ارکان قومی اسمبلی کے غائب ہونے کا انکشاف
- بی جے پی رہنما کے بیٹے کی پاکستانی لڑکی سے شادی
- یونان: گھروں میں گھُس کر جوتے سونگھنے والا شہری گرفتار
- کیویز 36 سال بعد بھارت کیخلاف ٹیسٹ میچ جیتنے میں کامیاب
- اکثر لفٹ میں آئینہ کیوں ہوتا ہے؟
- جو آتا ہے بسم اللہ ورنہ تعداد سے زیادہ نمبرز موجود ہیں، فیصل واوڈا
- آئینی ترامیم پر تحریک انصاف سے بات کرنا وقت کا ضیاع ہے، عظمیٰ بخاری
- عدلیہ حکومت کے تابع نہیں ہونی چاہیے، شاہد خاقان
- سوئی گیس بلز نے غریب عوام کی کمر توڑ کر رکھ دی، ایم کیو ایم
- ترکیہ میں فلسطین کانفرنس؛ مشاہد حسین نے 3 نکاتی ایکشن پلان پیش کردیا
- ایسا ایئرپورٹ جہاں رخصت کرتے وقت زیادہ گلے ملنا منع ہے
- چیمپئینز ٹرافی؛ بھارتی بورڈ جھوٹی خبریں پھیلانے لگا
- کراچی؛ 4 خواتین کے قتل کا مقدمہ درج، بیٹے کے ملوث ہونیکا امکان
زمبابوین ٹی20 لیگ؛ مبینہ مشکوک سرگرمیوں کی تحقیقات شروع
کراچی: زم افرو ٹی10 میں بعض کرکٹرز کی مبینہ مشکوک سرگرمیوں کی تحقیقات شروع ہوگئیں۔
تفصیلات کے مطابق زم افرو ٹی 10 کا دوسرا ایڈیشن 21 سے 29 ستمبر تک ہرارے، زمبابوے میں منعقد ہوا، جوبرگ بنگلہ ٹائیگرز نے ٹائٹل اپنے نام کیا، ایونٹ میں بعض پاکستانی کرکٹرز اور آفیشلز بھی شریک ہوئے،ذرائع نے بتایا کہ چند کھلاڑیوں کی مبینہ مشکوک سرگرمیوں پر آئی سی سی اینٹی کرپشن یونٹ تحقیقات کر رہا ہے۔
اس کی نگاہیں خاص طور پر 26 ستمبر کومنعقدہ ڈربن وولفز اور ہرارے بولٹس کے میچ پر مرکوز ہیں،اس میں اننگز کا چھٹا اوور پاکستان سے تعلق رکھنے والے یو اے ای کے انٹرنیشنل کرکٹر کاشف داؤد نے کرایا۔
مزید پڑھیں: زمبابوین ٹی10 لیگ؛ کئی پاکستانی شامل، معین خان کوچنگ کریں گے
کپتان یاسر شاہ نے جب ڈربن کے رائٹ آرم پیسر کو بولنگ دی تو پہلی گیند پر جانشکا پریرا نے کوئی رن نہیں بنایا، اگلی وائیڈ ہوئی، پھر نوبال پر سنگل بنا، منسی کو اگلی ڈاٹ بال کی پھر سنگل بنا،اس کے بعد ایک نو اور 2 مسلسل وائیڈ بالز ہوئیں،چوتھی لیگل گیند پر پریرا نے چوکا لگایا،اگلی پر وائیڈ کے مزید 2 رنز بنے، پھر منسی نے سنگل بنایا، اس کے بعد مزید 2 وائیڈ بالز ہوئیں، آخری لیگل گیند پر پریرا نے چوکا لگایا، 14 بالز پر مشتمل اس اوور میں20 رنز بنے جس میں7 وائیڈ اور2 نو کے رنز بھی شامل تھے۔
مزید پڑھیں: زمبابوے ٹی10 لیگ؛ پاکستانی کرکٹرز کی شمولیت پر سوالیہ نشان لگ گیا
اسی میچ کا نواں اوور افغان میڈیم پیسر دولت زدران نے کرایا جس میں 8 وائیڈز سمیت 23 رنز بنے، میچ میں پاکستانی ٹیسٹ اسپنر یاسر شاہ نے محض ایک اوور کیا اور 30 رنز دیے، اننگز کے اس تیسرے اوور کی پہلی گیند پر سنگل بنا، پھر وائیڈ کے تین رنز بنے، اس کے بعد منسی نے مسلسل دو چھکے لگائے، پھر مسلسل دو چوکے اور آخری گیند پر ایک اور چھکا لگایا، ہرارے نے مقابلہ 54 رنز سے جیتا، میچ کے بعد جب آئی سی سی اینٹی کرپشن یونٹ نے پوچھ گچھ شروع کی تو اونر نے ملاقات کے بجائے اسٹیڈیم سے براہ راست اپنے ملک روانگی کیلیے ایئرپورٹ کی راہ لی۔
آفیشلز نے ایک مشکوک کھلاڑی سے اس کا موبائل فون بھی لے لیا،حکام نے ٹیم آفیشلز سے بھی ایک بولر کے بارے میں سوال کیے جس نے فٹنس مسائل کو خراب کارکردگی کی وجہ قرار دیا تھا،یاد رہے کہ آئی سی سی اینٹی کرپشن کے جاری کیسز پر کوئی تبصرہ نہیں کرتی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔