وزارت قانون نے نئے کاغذات نامزدگی کا مسودہ اعتراضات کے ساتھ صدرکوبجھوادیا

وزارت قانون نے الیکشن کمیشن کی جانب سے امیدواروں کے لئے کاغذات نامزدگی میں ترامیم اور اعتراضات کا مسودہ صدر کو بھجوا دیا ہے۔

وزارت قانون کی جانب سے بھیجے گئے مراسلے میں کہا گیا ہے کہ آئین کی رو سے انتخابی امیدواروں کے لئے کاغذات نامزدگی کی حتمی منظوری صدر مملکت کا اختیار ہے اس لئے الیکشن کمیشن کی جانب سے تجویز کی گئی ترامیم اور وزارت قانون کے اعتراضات کا مسودہ بھجوایا جارہا ہے۔


واضح رہے کہ کاغذات نامزدگی کی منظوری کے لئے الیکشن کمیشن کی ڈیڈ لائن ختم ہو گئی ہے، اور صدر آصف زرداری پاک ایران گیس پائپ لائن منصوبے کے باقاعدہ افتتاح کے لئے ایران میں موجود ہیں جس کے باعث صدر مملکت کی جانب سے کاغذات نامزدگی کی منظوری نہیں دی گئی۔

وزارت قانون نے نئے کاغذات نامزدگی کا مسودہ اعتراضات کے ساتھ صدرکوبجھوادیا