21 لاکھ پنشنرزکومفت اسمارٹ کارڈزفراہم کرینگےوفاقی وزیرخزانہ

وفاقی وزیر خزانہ سلیم ایچ مانڈوی والا نے کہا ہے کہ وفاقی حکومت اپنے 21 لاکھ پنشنرز کو مفت اسمارٹ کارڈ ز فراہم کرے گی اور وہ ان کی مدد سے ملک بھر میں 6 ہزارخصوصی مراکز میں سے اپنی پنشن بغیر کسی مشکل کے نکلواسکیں گے۔

گوجر خان کے لیے ترقیاتی فنڈز وزیراعظم کے حکم پر جاری کیے گئے، اب چیف ایگزیکٹو کاحکم کیسے ٹالا جاسکتا ہے۔




منگل کو ڈپٹی چیئرمین نادراکے ہمراہ میڈیا کو بریفنگ دیتے ہوئے کہا ہے کہ 15 مارچ کے بعد اس حوالے سے کام شروع کرایا جائے گا۔ پنشنرز کو مفت اسمارٹ کارڈ کے اجرا کے لیے پچاس فیصد رقم (فی کارڈ 750 روپے) وزارت خزانہ ادا کرے گی' 50 فیصد بوجھ نادرا برداشت کرے گا جبکہ 6 اضلاع میں پنشنرز کے اسمارٹ کارڈز کی تیاری کا پائلٹ پراجیکٹ شروع ہوچکا ہے۔