نگران وزیراعظم کے معاملے پر جے یوآئی ف اور ن لیگ کے مذاکرات ناکام

نگران وزیر اعظم کے معاملہ پر پاکستان مسلم لیگ (ن) کی مولانا فضل الرحمان کو منانے کی کوششیں ناکام ہو گئی ہیں۔


مسلم لیگ (ن) کے رہنما اسحاق ڈار اور راجہ ظفر الحق نے آج کو مولانا فضل الرحمان سے ان کی رہائش گاہ پر ملاقات کی جس میں لیگی رہنماؤں نے جسٹس شاکر اللہ جان کا نام واپس لینے کی وجوہات سے آگاہ کیا، اس موقع پر فضل الرحمان نے مسلم لیگ (ن) کا موقف تسلیم کرنے سے انکار کرتے ہوئے نگران وزیراعظم کے لئے شاکر اللہ جان کا نام دوبارہ فہرست میں شامل کرنے کا مطالبہ کیا ہے۔

دو رکنی وفد قیادت سے ملاقات کے بعد دوبارہ فضل الرحمان سے ملے گا، اس موقع پر مولانا فضل الرحمان نے (ن) لیگ کی طرف سے شاکر اللہ جان کا نام واپس لینے پرمشاورتی عمل سے لاتعلقی کا اعلان کیا۔