حکمراں جماعت کا آئندہ 24گھنٹے میں سندھ اسمبلی کی تحلیل کا فیصلہ

سندھ اسمبلی آئندہ 24 گھنٹوں میں تحلیل کردی جائے گی اس سلسلے میں وزیر اعلیٰ سید قائم علی شاہ آج رات یا کل صبح گورنر سندھ کو سمری بھیجیں گے۔


ایکسپریس نیوز کے مطابق پیپلز پارٹی نے سندھ اسمبلی کی جلد تحلیل کا فیصلہ کرلیا ہے، جس کے تحت آئندہ 24 گھٹوں میں وزیر اعلیٰ سید قائم علی شاہ اسمبلی کی تحلیل کی سمری گورنر سندھ ڈاکٹر عشرت العباد کو بھجوادیں گے۔ آئین کے مطابق گورنر سندھ سمری کے تحت اسمبلی تحلیل کردیں گے لیکن قائم علی شاہ نگراں وزیر اعلیٰ کی تقری تک ذمہ داریاں انجام دیتے رہیں گے۔

واضح رہے کہ دو روز قبل وزیر اعظم راجہ پرویز اشرف کی سربراہی میں چاروں صوبوں کے وزرائے اعلیٰ نے ملک میں ایک ہی دن قومی اور صوبائی اسمبلیوں کے انتخابات پر اتفاق کیا تھا ، جس کے تحت بلوچستان اسمبلی کوجلد تحلیل کردیا گیا ہے۔