عباسی شہید اسپتال کے سینئررجسٹرار ڈاکٹراسد عثمان محافظ سمیت جاں بحق
اسد عثمان اسپتال سے گھر جارہے تھے کہ ناظم آباد نمبر 7 پر موٹر سائیکل پر سوار ملزمان نے ان کی گاڑی پر فائرنگ کردی
اسد عثمان اسپتال سے گھر جارہے تھے کہ ناظم آباد نمبر 7 پر موٹر سائیکل پر سوار ملزمان نے ان کی گاڑی پر فائرنگ کردی ،فوٹو:فائل
نامعلوم افراد نے عباسی شہید اسپتال کے سینئر ڈاکٹر اسد عثمان کو ان کے پولیس گارڈ سمیت فائرنگ کرکے قتل کردیا۔
ایکسپریس نیوز کے مطابق ڈاکٹر اسد عثمان اسپتال سے گھر جارہے تھے کہ ناظم آباد نمبر 7 پر موٹر سائیکل پر سوار ملزمان نے ان کی گاڑی پر فائرنگ کردی جس کے نتیجے میں وہ اور ان کی حفاظت پر مامور پولیس اہلکار عمران موقع پر ہی جاں بحق ہوگئے۔ پولیس نے مقتولین کی لاشوں کو عباسی شہید اسپتال پہنچا دیا ہے۔
واضح رہے کہ گزشتہ روز معروف نوحہ خواں اور لیاقت آباد ڈگری کالج کے پرنسپل سید سبط جعفر زیدی کوبھی قتل کردیا گیا تھا۔