امریکی صدر کے بیان کے خلاف خیبرپختونخوا اسمبلی میں قرارداد جمع

امریکی صدر ڈونلڈ ٹرمپ کے بیان کے خلاف خیبرپختونخوا اسمبلی میں قرارداد جمع کرائی گئی ہے جس میں مطالبہ کیا گیا ہے کہ وفاقی حکومت امریکی بیان پر شدید ردعمل ظاہر کرے۔

خیبر پختونخوا اسمبلی کے اجلاس کے دوران پیپلزپارٹی کے رکن فخراعظم وزیر نے امریکی صدر ڈونلڈ ٹرمپ کی دھمکی کے خلاف مذمتی قرار داد جمع کرائی، قرارداد کے متن میں کہا گیا ہے کہ امریکی صدر کا بیان حقیقت کے برعکس ہے، امریکا ہماری قربانیوں کا مالی قدر سے موازنہ کررہا ہے لہذا وفاقی حکومت امریکی بیان پر شدید ردعمل ظاہر کرے۔


اس خبر کو بھی پڑھیں : پاکستان امریکا کو بے وقوف سمجھتا ہے

واضح رہے کہ چند روز قبل امریکی صدر ڈونلڈ ٹرمپ نے پاکستان پر الزامات لگاتے ہوئے کہا تھا کہ امریکا نے گزشتہ 15 سال میں پاکستان کو 33 ارب ڈالر امداد دے کر بہت بڑی بے وقوفی کی، امداد وصول کرنے کے باوجود بھی پاکستان نے امریکا کے ساتھ جھوٹ بولا۔