ملالہ یوسف زئی نے برمنگھم میں اسکول جانا شروع کر دیا

ملالہ یوسف زئی کا پھر اسکول جانے کا خواب پورا ہوگیا اور آج انہوں نے برمنگھم کے ایجبسٹن ہائی اسکول فار گرلز میں پڑھائی کا آغاز کر دیا۔


اسکول جانے کے پہلے روز ملالہ یوسف زئی کا کہنا تھا کہ آج ان کا خواب حقیقت میں تبدیل ہو رہا ہے اور وہ اپنے نئے اسکول میں نئے دوست بنانے کی خواہاں ہیں، ملالہ نے کہا کہ وہ چاہتی ہیں کہ دنیا کی تمام لڑکیوں کو تعلیم حاصل کرنے کا موقع ملے۔ ملالہ نے مزید کہا کہ وہ پاکستان میں اپنےاسکول کی دوستوں کو بہت یاد کرتی ہیں لیکن اب وہ برمنگھم میں اپنے نئے اسکول میں نئے دوست اور اساتذہ سے ملنے کی خواہشمند ہیں۔

ملالہ یوسف زئی پچھلے سال اکتوبر میں طالبان کی فائرنگ سے شدید زخمی ہو گئیں تھیں اور انہیں علاج کے لئے لندن کے برمنگھم اسپتال منتقل کیا گیا تھا جہاں ان کے ایک سے زائد آپریشنز بھی کئے گئے۔