کنگ خان کی فلم ’زیرو ‘ کے ٹیزر نے دھوم مچادی

بالی ووڈ کنگ شاہ رخ خان کی نئی فلم 'زیرو' کے ٹیزر نے ریلیز کے 24 گھنٹوں میں ہی سوشل میڈیا پر دھوم مچادی۔

بالی ووڈ کے کنگ شاہ رخ خان نے نئے سال کی موقع پر مداحوں کو تحفہ دیتے ہوئے اپنی نئی فلم 'زیرو' کا نام اور ٹیزر جاری کیا جس میں وہ بونے کا کردار نبھاتے ہوئے دکھائی دے رہے ہیں اور اس منفرد کردار نے کنگ خان کے مداحوں کو ایسا متاثر کیا کہ فلم کے ٹیزر کو 24 گھنٹوں میں اب تک ایک کروڑ سے زائد افراد دیکھ چکے ہیں۔

بھارتی میڈیا رپورٹس کے مطابق شاہ رخ خان کی نئی فلم 'زیرو' کے ہدایت کار انند رائے نے سماجی رابطے کی ویب سائٹ پر ایک تصویر میں 24 گھنٹوں میں ایک کروڑ بار ٹیزر دیکھنے کی خوشخبری دیتے ہوئے لکھا کہ 'ایک کے پیچھے اتنے زیرو دیکھ کر اچھا لگا خان صاحب'۔

یہ خبر بھی پڑھیں: کنگ خان کا مداحوں کو 2018 کا تحفہ

واضح رہے کہ فلم 'زیرو' میں شاہ رخ خان کے مدمقابل انوشکا شرما اور کترینہ کیف بھی مرکزی کرداروں میں دکھائی دیں گی جب کہ فلم رواں سال 21 دسمبر کو سینما گھروں کی زینت بنے گی۔

https://youtu.be/RF7DhGIQE1k