پولیس اہلکاربچے کوبچاتے ہوئے ٹرین کی زد میں آکرجاںبحق
سہیل کا آبائی تعلق صوابی سے تھا،نماز جنازہ میں پولیس افسران کی بڑی تعداد شریک
سہیل کا آبائی تعلق صوابی سے تھا،نماز جنازہ میں پولیس افسران کی بڑی تعداد شریک۔ فائل فوٹو
لانڈھی ریلوے اسٹیشن پر پولیس اہلکار6سالہ بچے کو بچاتے ہوئے ٹرین کی زد میں آکر جاں بحق ہوگیا جبکہ بچہ بھی شدید زخمی ہو گیا، تفصیلات کے مطابق لانڈھی ریلوے اسٹیشن پر پولیس کانسٹیبل 40 سالہ محمد سہیل ولد محمد صبور سرگودھا جانے والی سپر ایکسپریس کی زد میں آکر جاں بحق جبکہ 6 سالہ بچہ حمید اﷲ ولد عبد الرحمٰن زخمی ہوگیا ،ہلاک و زخمی ہونے والوں کو جناح اسپتال پہنچایا گیا ۔
ایس ایچ او لانڈھی ریلوے محمد سلیم نے ایکسپریس کو بتایا کہ پولیس اہلکار سہیل لانڈھی ریلوے اسٹیشن پر ڈیوٹی انجام دے رہا تھا کہ ایک بچہ کھیلتے ہوئے بھاگ کر پلیٹ فارم کے کونے پر چلا گیا اسی دوران سامنے سے سپر ایکسپریس آگئی پولیس اہلکار بچے کو بچاتے ہوئے پلیٹ فارم سے گر کر ٹرین کے نیچے آگیا جبکہ بچے کے سر پر شدید چوٹیں آئیں ، زخمی بچے کو انتہائی نگہداشت کے وارڈ میں رکھا گیا۔
ایس ایچ او لانڈھی ریلوے محمد سلیم نے ایکسپریس کو بتایا کہ پولیس اہلکار سہیل لانڈھی ریلوے اسٹیشن پر ڈیوٹی انجام دے رہا تھا کہ ایک بچہ کھیلتے ہوئے بھاگ کر پلیٹ فارم کے کونے پر چلا گیا اسی دوران سامنے سے سپر ایکسپریس آگئی پولیس اہلکار بچے کو بچاتے ہوئے پلیٹ فارم سے گر کر ٹرین کے نیچے آگیا جبکہ بچے کے سر پر شدید چوٹیں آئیں ، زخمی بچے کو انتہائی نگہداشت کے وارڈ میں رکھا گیا۔