عمران خان پاکستان کی سیاست کے سنی لیون ہیں مشاہداللہ خان

مسلم لیگ (ن) کے سینیٹر مشاہد اللہ نے عمران خان کی شادی پر دلچسپ تبصرہ کرتے ہوئے کہا کہ عمران خان پاکستان کی سیاست کے سنی لیون ہیں۔

میڈیا میں چیرمین تحریک انصاف عمران خان کی تیسری شادی کے چرچے ہیں اور ان کی اپنی روحانی پیشوا بشریٰ مانیکا سے شادی کے خبریں زیر گردش ہیں لیکن اس حوالے سے خود عمران خان نے اب تک نہ تصدیق کی اور نہ ہی تردید البتہ پی ٹی آئی نے عمران خان کی شادی کی خبروں پر بیان جاری کرتے ہوئے کہا کہ چیرمین پی ٹی آئی نے بشریٰ مانیکا سے شادی نہیں کہ بلکہ پیغام بھیجا ہے۔

اس خبر کو بھی پڑھیں؛ عمران خان جیسا بھلا آدمی اور بشریٰ جیسی نیک بیوی نہیں دیکھی، خاور مانیکا


دوسری جانب تحریک انصاف کے ارکان تو عمران خان کی شادی پر کسی قسم کا تبصرہ کرنے سے گریز کررہے ہیں البتہ مسلم لیگ (ن) کے ارکان اس موقع کا بھرپور فائدہ اٹھارہے ہیں اور اس معاملے پر لیگی رہنماوں نے خوب دل کی بھڑاس نکالی۔

اس خبر کو بھی پڑھیں؛ عمران خان نے روحانیت کی تلاش میں شیطانیت کی، رانا ثنااللہ

لیگی سینیٹر مشاہد اللہ خان نے عمران خان کی شادی پر دلچسپ تبصرہ کرتے ہوئے انہیں نیا ٹائٹل دے ڈالا۔ ان کا کہنا تھا کہ کوئی کسی کے گھر جاتا ہے تو کیا ان پر بری نظر رکھتا ہے دراصل عمران خان پاکستان کی سیاست کے سنی لیون ہیں۔