تحریک انصاف نلیگ سمیت دوسری جماعتوں سے سیٹ ایڈجسٹمنٹ ہو سکتی ہے منور حسن

امیر جماعت اسلامی سید منور حسن نے کہا ہے کہ آئندہ عام انتخابات سے قبل تحریک انصاف اور مسلم لیگ (ن) سمیت دوسری جماعتوں سے سیٹ ایڈجسٹمنٹ ہو سکتی ہے۔


لاہور میں میڈیا سے گفتگو کرتے ہوئے منور حسن کا کہنا تھا کہ سندھ میں نگران سیٹ اپ پرابھی سے انگلیاں اٹھنا شروع ہو گئی ہیں ، انہوں نے کہا کہ نگران وزیراعظم کے لئے ایسا شخص تلاش کیا جا رہا ہے جو غلط کاموں کودرست قرار دے لیکن اگر قابل اعتماد نگراں وزیراعظم کے انتخاب میں کچھ وقت لگ بھی جائے گا تو انہیں اعتراض نہیں ہوگا۔

منور حسن کا کہنا تھا کہ الیکشن ضرور ہونے چاہئیں جبکہ ٹارگٹ کلنگ کا علاج بھی انتخابات ہی ہیں ، انہوں نے کہا کہ پاکستان تحریک انصاف اور مسلم لیگ (ن) سمیت دوسری جماعتوں سے سیٹ ایڈجسٹمنٹ ہو سکتی ہے۔