یوٹیوب نے واشنگ پاؤڈر کھانے کی ویڈیوز ہٹانا شروع کردیں
مشہور ہونے کے لیے نوجوان واشنگ پاؤڈر کھانے کی چیلنجنگ ویڈیوز اپ لوڈ کررہے ہیں
مضر صحت مواد کی تشہیر کی سختی سے ممانعت ہے، یوٹیوب انتظامیہ، فوٹو: انٹرنیٹ
ویڈیو شیئرنگ کی مقبول ویب سائٹ یوٹیوب نے 'واشنگ پاؤڈر' کھانے کی چیلنجنگ ویڈیوز ہٹانا شروع کردیں۔
بین الاقوامی میڈیا رپورٹس کے مطابق امریکی نوجوان کپڑے دھونے والے مشہور برانڈ کے واشنگ پاؤڈر کی رنگین بالز کھانے کا چیلنج پورا کرکے اپنی ویڈیوز یوٹیوب اور دیگر سوشل میڈیا سائٹس پر اپ لوڈ کررہے تھے جس پر امریکی حکام نے چیلنج کے شوقین افراد کو متنبہ کرتے ہوئے کہا کہ نوجوان اسے مذاق کے طور پر پورا کرکے اپنی زندگیوں کو خطرے میں ڈال رہے ہیں کیونکہ جو صابن پاؤڈر اس چیلنج میں کھایا جارہا ہے اس میں زہریلے مادے شامل ہیں۔
مشہوری کے لیے مضر صحت پاؤڈر کے چیلنج کی حوصلہ شکنی کی خاطر یوٹیوب نے ایسی عوامی ویڈیوز کو ہٹانے کا فیصلہ کیا ہے جس میں نوجوان دانستہ طور پر اپنی زندگیوں کو خطرے میں ڈال رہے ہیں۔
یہ خبر بھی پڑھیں: پرتشدد ویڈیوز اور نازیبا کمنٹس روکنے کیلیے یوٹیوب کا اہم اقدام
یوٹیوب نے ایک بیان میں کہا کہ اس نے اپنی ویب سائٹ کی کمیونٹی گائیڈ لائن میں واضح کررکھا ہے کہ جسمانی طور پر خطرناک حرکات اور دوسروں کو اس کی ترغیب دینے والے مواد کی تشہیر کی سختی سے ممانعت ہے اور اسی اصول کے تحت مذکورہ چیلنج کی ویڈیوز ہٹائی جارہی ہیں۔
دوسری جانب واشنگ پاؤڈر بنانےوالی مشہور کمپنی نے بھی نوجوانوں کو اس چیلنج سے دور رکھنے کی اپیل کرتے ہوئے کہا ہے کہ ان کا پاؤڈر کپڑے دھونے کے لیے ہے لوگوں کےکھانے کے لیے نہیں۔
https://www.youtube.com/watch?v=m0Qd2usmPWY
بین الاقوامی میڈیا رپورٹس کے مطابق امریکی نوجوان کپڑے دھونے والے مشہور برانڈ کے واشنگ پاؤڈر کی رنگین بالز کھانے کا چیلنج پورا کرکے اپنی ویڈیوز یوٹیوب اور دیگر سوشل میڈیا سائٹس پر اپ لوڈ کررہے تھے جس پر امریکی حکام نے چیلنج کے شوقین افراد کو متنبہ کرتے ہوئے کہا کہ نوجوان اسے مذاق کے طور پر پورا کرکے اپنی زندگیوں کو خطرے میں ڈال رہے ہیں کیونکہ جو صابن پاؤڈر اس چیلنج میں کھایا جارہا ہے اس میں زہریلے مادے شامل ہیں۔
مشہوری کے لیے مضر صحت پاؤڈر کے چیلنج کی حوصلہ شکنی کی خاطر یوٹیوب نے ایسی عوامی ویڈیوز کو ہٹانے کا فیصلہ کیا ہے جس میں نوجوان دانستہ طور پر اپنی زندگیوں کو خطرے میں ڈال رہے ہیں۔
یہ خبر بھی پڑھیں: پرتشدد ویڈیوز اور نازیبا کمنٹس روکنے کیلیے یوٹیوب کا اہم اقدام
یوٹیوب نے ایک بیان میں کہا کہ اس نے اپنی ویب سائٹ کی کمیونٹی گائیڈ لائن میں واضح کررکھا ہے کہ جسمانی طور پر خطرناک حرکات اور دوسروں کو اس کی ترغیب دینے والے مواد کی تشہیر کی سختی سے ممانعت ہے اور اسی اصول کے تحت مذکورہ چیلنج کی ویڈیوز ہٹائی جارہی ہیں۔
دوسری جانب واشنگ پاؤڈر بنانےوالی مشہور کمپنی نے بھی نوجوانوں کو اس چیلنج سے دور رکھنے کی اپیل کرتے ہوئے کہا ہے کہ ان کا پاؤڈر کپڑے دھونے کے لیے ہے لوگوں کےکھانے کے لیے نہیں۔
https://www.youtube.com/watch?v=m0Qd2usmPWY