نگراں وزیراعظم کیلئے میر ہزارخان کھوسو بہترین انتخاب ہیں چوہدری شجاعت حسین

مسلم لیگ ق کے صدر چوہدری شجاعت حسین نے کہا ہے کہ نگراں وزیراعظم کےلیے چاروں نام اچھے تھے تاہم میر ہزارخان کھوسو بہترین انتخاب ہے۔


لاہور میں پارٹی کے جنرل کونسل اجلاس سے خطاب کرتے ہوئے ان کا کہنا تھا کہ وہ عمران خان کے سچ بولنے اور ظلم کےخلاف آواز اٹھانے کے وعدوں کی حمایت کرتے ہیں۔ انہوں نے کہا کہ عام انتخابات میں کیا بنے گا اس کی سب کو جلد سمجھ آجائےگی۔

اس سے قبل خطاب کرتے ہوئے چوہدری پرویزالہٰی نے کہا کہ انتخابات میں مخالفین کو بڑا سرپرائز دیں گے، ان کا کہنا تھا کہ جھوٹی سروے رپورٹس سے کوئی متاثر نہیں ہوگا۔