پاکستان کیساتھ تعلقات بہتر ہوئے ہیں بھارتی ہائی کمشنر

بھارتی ہائی کمشنر شرت سبھروال نے مقامی ہوٹل میں سیاسی رہنما ئوںکے اعزازمیںافطار پارٹی کااہتمام کیا،تقر یب میں وفاقی وزراء مخدوم امین فہیم، سید خورشیدشاہ، پیپلز پارٹی کے سیکریٹری جنرل جہانگیربدرسمیت پیپلز پارٹی کے دیگر اراکین نے شرکت کی۔


دوسری جماعتوں کے رہنما ئوں میں مشاہد حسین ،ظفر اقبال جھگڑا،رانامحمداقبال،طارق فضل چوہدری کشمالہ طارق،حاجی عدیل، فاروق ستار، بابر غوری،عابدہ حسین، فخر امام،انوربیگ اور دیگر شامل تھے،بعض ریٹا ئرد جنرلز،سافما اور این جی اوزکے نمائند ے بھی موجود تھے۔

اس موقع پرمیڈیا سے گفتگوکرتے ہوئے شر ت سبھروال نے کہاکہ بھارت کیطرف سے پاکستانی سرمایہ کاروںکواپنے ملک میںسرمایہ کاری کی اجازت دینے سے دوطرفہ تجارت اور تعلقات کونئی جہت ملے گی۔انہوںنے کہاکہ دونوں ممالک کے درمیان تعلقات گزشتہ کچھ عرصہ میںبہترہوئے ہیں، بھارتی وزیرخارجہ اگلے ماہ پاکستان کے دورے پرآرہے ہیں،دونوں وزرائے خارجہ کے درمیان دوطرفہ امور پرمذاکرات ہونگے اور تعلقات آگے بڑ ھانے میں مدد ملے گی۔