لاہور میں دہشت گردی کا منصوبہ ناکام دو دہشت گرد گرفتار

سی ٹی ڈی نے لاہور سے دو دہشت گردوں کو گرفتار کرکے اسلحہ اور دستی بم برآمد کرلیا۔


ایکسپریس نیوز کے مطابق سی ٹی ڈی (کاؤنٹر ٹیرر ازم ڈپارٹمنٹ) نے لاہور میں دہشت گردی کا منصوبہ ناکام بناتے ہوئے کماہاں روڈ سے دو دہشت گردوں کو گرفتار کرکے دستی بم اور اسلحہ برآمد کرلیا۔

سی ٹی ڈی حکام کے مطابق گرفتار دہشت گردوں میں تاج گل اور محمد زاہد شامل ہیں جنہیں حسن چوک کماہاں روڈ کے ایک گھر سے گرفتار کیا گیا، ان دہشت گردوں کا تعلق کالعدم تحریک طالبان پاکستان کے جماعت الحرار گروپ سے ہے۔