کپل شرما کی دھواں دار واپسی
کپل شرما ٹی وی پر نئے شو کے ساتھ جلوہ گر ہورہے ہیں
گزشتہ 6 ماہ سے کپل ٹی وی سے دور تھے؛ فوٹوفائل
KARACHI:
نامور مزاحیہ اداکار کپل شرما 6 ماہ کے طویل عرصے بعد ایک بار پھر اپنے نئے شو کے ساتھ لوگوں کو ہنسانے آرہے ہیں۔
گزشتہ برس کپل شرما ساتھی اداکار سنیل گروور کے ساتھ لڑائی کے باعث شدید تنازعات کا شکار رہے، ان تنازعات کا اثر کپل کی صحت اور کیرئیر پر بھی پڑا۔ صحت کی خرابی اوربیماری کے باعث بھارتی ٹی وی سے نشر ہونے والا ''دی کپل شرما شو'' بھی سخت مشکل میں آگیا اور کپل اپنے شو پر زیادہ توجہ نہ دے سکے، جس کا نتیجہ یہ نکلا کہ شو بند ہوگیا، تاہم اب وہ چھوٹی اسکرین پر واپس آگئے ہیں۔
اس خبرکوبھی پڑھیں: کپل نفسیاتی بیماری کا شکار
بھارتی میڈیا کے مطابق کپل ایک بار پھر اپنے نئے شو کے ذریعے لوگوں کو ہنسانے آرہے ہیں، ان کا نیا پروگرام بھارتی ٹی وی چینل سونی سے نشر کیا جائے گا۔ چینل انتظامیہ نے کپل کی واپسی کی مختصر ویڈیو ٹویٹر پر شیئر کی ہے۔ 35 سیکنڈ کی اس مختصر ویڈیو میں بڑی خوبصورتی سے کپل کے مشکل دور، بیروزگاری اور پھر دوبارہ شو ملنے کی کہانی مزاحیہ انداز میں بیان کی گئی ہے۔
چینل انتظامیہ نے ٹویٹر پر کپل کی واپسی کی اطلاع دیتے ہوئے کہا ہے ''لوٹ کر آرہا ہے کپل کچھ الگ لے کر، اس بار ہنسی کے علاوہ کچھ اور بھی ہے جو جائے گا دے کر۔
نامور مزاحیہ اداکار کپل شرما 6 ماہ کے طویل عرصے بعد ایک بار پھر اپنے نئے شو کے ساتھ لوگوں کو ہنسانے آرہے ہیں۔
گزشتہ برس کپل شرما ساتھی اداکار سنیل گروور کے ساتھ لڑائی کے باعث شدید تنازعات کا شکار رہے، ان تنازعات کا اثر کپل کی صحت اور کیرئیر پر بھی پڑا۔ صحت کی خرابی اوربیماری کے باعث بھارتی ٹی وی سے نشر ہونے والا ''دی کپل شرما شو'' بھی سخت مشکل میں آگیا اور کپل اپنے شو پر زیادہ توجہ نہ دے سکے، جس کا نتیجہ یہ نکلا کہ شو بند ہوگیا، تاہم اب وہ چھوٹی اسکرین پر واپس آگئے ہیں۔
اس خبرکوبھی پڑھیں: کپل نفسیاتی بیماری کا شکار
بھارتی میڈیا کے مطابق کپل ایک بار پھر اپنے نئے شو کے ذریعے لوگوں کو ہنسانے آرہے ہیں، ان کا نیا پروگرام بھارتی ٹی وی چینل سونی سے نشر کیا جائے گا۔ چینل انتظامیہ نے کپل کی واپسی کی مختصر ویڈیو ٹویٹر پر شیئر کی ہے۔ 35 سیکنڈ کی اس مختصر ویڈیو میں بڑی خوبصورتی سے کپل کے مشکل دور، بیروزگاری اور پھر دوبارہ شو ملنے کی کہانی مزاحیہ انداز میں بیان کی گئی ہے۔
چینل انتظامیہ نے ٹویٹر پر کپل کی واپسی کی اطلاع دیتے ہوئے کہا ہے ''لوٹ کر آرہا ہے کپل کچھ الگ لے کر، اس بار ہنسی کے علاوہ کچھ اور بھی ہے جو جائے گا دے کر۔