اداکاری بہت مشکل اور منفرد کام ہے سلینہ سپرا

اداکارہ و ماڈل سلینہ سپرا نے کہا ہے کہ اداکاری بہت مشکل اورمنفرد کام ہے جوہرکسی کے بس کی بات نہیں۔

اداکاری کوآسان سمجھنے والے یہ بات جان لیں کہ کیمرے کی آنکھ میں آنکھ ڈال کراداکاری کرنا دنیا کا سب سے مشکل کام ہے۔ ان خیالات کااظہارسلینہ سپرا نے ''ایکسپریس''سے گفتگوکرتے ہوئے کیا۔ انھوں نے کہا کہ جب میں نے اداکاری میں قدم رکھا تومجھے پتہ چلا کہ اس سے زیادہ مشکل کام کوئی دوسرا نہیں ہے۔




کرداروں کو حقیقت کا رنگ دینا ہرکسی کی بات نہیں ہے۔ اس لیے شوبز میں آنیوالے یہ بات جان لیں کہ اداکاری بچوں کا کھیل نہیں ہے۔ یہ ایک بہت سنجیدہ کام ہے جس میں سو فیصد پرفارمنس دینے والاہی لوگوں کے دلوں میں جگہ بناسکتا ہے۔