ن لیگ کے ٹکٹوں پر سوال الیکشن کمیشن کا اہم اجلاس آج طلب

نوازشریف کی پارٹی صدارت کالعدم قراردینے کے فیصلے کے بعد ان کی جانب سے سینیٹ انتخابات کیلیے ن لیگ کے امیدواروں کو جاری کیے گئے ٹکٹوں پر بھی سوالیہ نشان کھڑا ہو گیا۔

سپریم کورٹ کی جانب سے نوازشریف کی پارٹی صدارت کالعدم قراردینے کے فیصلے کے بعد نوازشریف کی جانب سے سینیٹ انتخابات کیلیے ن لیگ کے امیدواروں کو جاری کیے گئے ٹکٹوں پر بھی سوالیہ نشان کھڑا ہو گیا ہے جبکہ حالیہ ضمنی انتخابات میں مسلم لیگ (ن)کے امیدواروں کے مستقبل کے حوالے سے بھی قیاس آرائیاں شروع ہوگئی ہیں۔


نجی ٹی وی نے دعوی کیا کہ سابق وزیراعظم کے بطور پارٹی صدر سینٹ انتخابات کے امیدواروں کی نامزدگی کالعدم ہوگئی اور مسلم لیگ (ن) کے تمام امیدواروں کے ٹکٹ منسوخ ہوگئے ہیں۔

دوسری جانب الیکشن کمیشن نے اس حوالے سے آج اہم اجلاس طلب کر لیا ہے جب کہ ذرائع کے مطابق اجلاس میں28جولائی کے بعد مسلم لیگ(ن)کے ہونے والے اہم فیصلوں سے متعلق قانونی پوزیشن کا فیصلہ کیا جائے گا۔