پاکستان سے سیاچن کے معاملے پر اتفاق رائے نہیں ہوسکا انتھونی

بھارتی وزیر دفاع اے کے انتھونی نے راجیہ سبھا کو تحریری طور پر آگاہ کیا ہے کہ پاکستان اور بھارت کے درمیان سیاچن کے معاملے پر تاحال اتفاق رائے نہیں ہوسکا البتہ دونوں ممالک نے اس مسئلے کا قابل عمل حل تلاش کرنے کے عزم کو دوہرایا ہے۔


انھوں نے بتایا کہ دونوں ممالک کے سیکریٹری دفاع سطح کے مذاکرات 11 اور 12 جون کو راولپنڈی میں منعقد ہوئے تھے ان مذاکرات میں مسئلے کے حل کے لیے تواتر کے ساتھ تبادلہ خیال کیا گیا تاہم اتفاق رائے نہیں ہوسکا ،انھوں نے کہا کہ جموں وکشمیر سے بھارتی فوج میں نوجوانوں کی بھرتی معمول کی بنیاد پرکی جارہی ہے،مقبوضہ کشمیر میں دہشت گردی کی کارروائیوں میں کمی آئی ہے اورصورتحال بہتر ہورہی ہے۔