سمندر پار پاکستانیوں کے ووٹ کیلیے سافٹ ویئر تیار کرلیا گیا

چیئرمین نادرا طارق ملک نے کہا ہے کہ سمندر پار پاکستانیوں کو ووٹ کا حق دینے کے لیے نادرا نے الیکٹرانک ووٹنگ سافٹ ویئر تیار کر لیا ہے۔

پیر کوسپریم کورٹ کو اس سافٹ ویئر سے متعلق بریفنگ دی جائے گیا۔ اتوار کو اسلام آبادمیں نجی ٹی وی سے بات کرتے ہوئے چیئرمین نادرا طارق ملک نے کہا کہ سیاسی جماعتوں اور الیکشن کمیشن سے بھی سمندر پار پاکستانیوں کو ووٹ کا حق دینے کے سافٹ ویئر سے متعلق رائے لی جائے گی۔




نادرا نے امیدواروں کی اسکروٹنی کا نظام وضع کرنے میں الیکشن کمیشن کی مدد کی۔ اسکروٹنی سسٹم سے ٹیکس ڈیفالٹرز اور دہری شہریت والے فلٹر ہو جائیں گے۔ طارق ملک نے کہا کہ ا ب تک 2کروڑ سے زائد لوگ نادرا کے ذریعے ووٹ چیک کر چکے،ایچ ای سی کو ڈگریوں کا ریکارڈ کمپوٹرائز کرنے میں بھی مدد دے سکتے ہیں۔