کراچی کالعدم تنظیم کے 4 دہشت گرد گرفتار اسلحہ وبارودی مواد برآمد پولیس
ملزمان سے اسلحہ وبارودی مواد کے علاوہ اہم شخصیات کی ہٹ لسٹ بھی برآمد کی گئی ہے، چوہدری اسلم
کالعدم تحریک طالبان کے گرفتار کئے گئے دہشت گردوں میں حافظ معراج الدین، عبد المجید عرف جان، عمران اور بختیار مسعود شامل ہیں، چوہدری اسلم فوٹو:فائل
سی آئی ڈی پولیس نے مختلف علاقوں میں کارروائی کرتے ہوئے کالعدم تحریک طالبان پاکستان کے 4 دہشت گردوں کو اسلحہ وبارودی مواد سمیت گرفتار کرلیا۔
ایس ایس پی سی آئی ڈی چوہدری اسلم نے اپنے دفتر میں پریس کانفرنس کرتے ہوئے بتایا کہ ملزمان کو بوٹ بیسن، لیاری اور شیریں جناح کالونی سے گرفتار کیا گیا جن میں کالعدم تحریک طالبان کے حافظ معراج الدین، عبد المجید عرف جان، عمران اور بختیار مسعود شامل ہیں جبکہ ملزمان سے 50 کلو دھماکا خیز مواد، ایک کلاشنکوف، 5 ہینڈ گرنیڈ، 6 ٹینس بال بم، 2 ٹرپل ٹو رائفل، ڈیٹونیٹر وائر، بال بیئرنگ اور دیگر بارودی مواد بھی برآمد کئے گئے۔
چوہدری اسلم کا کہنا تھا کہ ملزمان سے اسلحہ وبارودی مواد کے علاوہ اہم شخصیات کی ہٹ لسٹ بھی برآمد کی گئی ہے اور ملزمان شہر کے مختلف مقامات پر ہونے والے بم دھماکوں میں بھی ملوث ہیں۔
ایس ایس پی سی آئی ڈی چوہدری اسلم نے اپنے دفتر میں پریس کانفرنس کرتے ہوئے بتایا کہ ملزمان کو بوٹ بیسن، لیاری اور شیریں جناح کالونی سے گرفتار کیا گیا جن میں کالعدم تحریک طالبان کے حافظ معراج الدین، عبد المجید عرف جان، عمران اور بختیار مسعود شامل ہیں جبکہ ملزمان سے 50 کلو دھماکا خیز مواد، ایک کلاشنکوف، 5 ہینڈ گرنیڈ، 6 ٹینس بال بم، 2 ٹرپل ٹو رائفل، ڈیٹونیٹر وائر، بال بیئرنگ اور دیگر بارودی مواد بھی برآمد کئے گئے۔
چوہدری اسلم کا کہنا تھا کہ ملزمان سے اسلحہ وبارودی مواد کے علاوہ اہم شخصیات کی ہٹ لسٹ بھی برآمد کی گئی ہے اور ملزمان شہر کے مختلف مقامات پر ہونے والے بم دھماکوں میں بھی ملوث ہیں۔