کرپشن کیسز پر فاٹا ڈیولپمنٹ اتھارٹی کے خلاف تحقیقات کی منظوری
محکمہ پولیس بنوں کے افسران اور اہل کاروں کے خلاف بدعنوانی کی تحقیقات کی بھی منظوری۔
محکمہ پولیس بنوں کے افسران اور اہلکاروں کے خلاف کرپشن کیسز کی تحقیقات کی بھی منظوری۔ فوٹو: فائل
نیب خیبر پختون خوا نے کرپشن کیسز پر فاٹا ڈیولپمنٹ اتھارٹی اور محکمہ پولیس بنوں کے خلاف تحقیقات کی منظوری دے دی۔
ایکسپریس نیوز کے مطابق ڈی جی نیب کی زیر صدارت نیب خیبر پختون خوا کے ریجنل بورڈ کا اجلاس منعقد ہوا۔ اجلاس میں مختلف عوامی شکایات کا نوٹس لیتے ہوئے تحقیقات کے احکامات جاری کردیے گئے جس کے مطابق ریجنل بورڈ نے فاٹا ڈیولپمنٹ اتھارٹی کے افسران و اہلکاروں کے خلاف بدعنوانی اوراختیارات کے ناجائز استعمال کی تحقیقات کی منظوری دے دی۔
اجلاس کے شرکا نے محکمہ پولیس بنوں کے افسران اور اہلکاروں کے خلاف بدعنوانی اور اختیارات کے ناجائز استعمال کی تحقیقات کی بھی منظوری دی۔ بریفنگ میں ڈی جی نیب کو بتایا گیا کہ ملزمان پر راغان سمال ڈیم باجوڑ ایجنسی کی تعمیر اور ٹھیکے میں قوانین کی خلاف ورزی اور خوراک کی مد میں سرکاری فنڈز غبن کرنے کا الزام ہے۔