کراچی شوہر نے فائرنگ کرکے بیوی کو قتل کردیا 2بچیاں زخمی
واقعے کے بعد ملزم اپنے بیٹے کو لے کر فرار ہو گیا۔
ملزم کی بیوی لطیفہ بی بی زخموں کی تاب نہ لاتے ہوئے چل بسی جبکہ بچیوں کی حالت تشویش ناک ہے، اسپتال ذرائع۔ فوٹو اے ایف پی
گلستان جوہر میں شوہر نے فائرنگ کرکے بیوی کوابدی نیند سلادی جب کہ گولیاں لگنےسے 2 بچیاں زخمی ہوگئیں۔
پولیس کے مطابق گلستان جوہر حسین ہزارہ گوٹھ میں محرم خان بلوچ نے جھگڑا ہونے پربیوی لطیفہ اور دو بچیوں کرن اور امتیاز کو فائرنگ کرکے زخمی کردیا جنہیں تشویک ناک حالت میں نجی اسپتال میں منتقل کردیا گیا۔ اسپتال ذرائع کے مطابق ملزم کی بیوی لطیفہ بی بی زخموں کی تاب نہ لاتے ہوئے چل بسی جبکہ بچیوں کی حالت تشویش ناک ہے، واقعے کے بعد ملزم اپنے بیٹے کو لے کرفرارہوگیا ۔