سپریم کورٹ پرویز مشرف کیخلاف غداری کا مقدمہ چلانے کی درخواست پرسماعت پیرسے کرےگا

سابق صدر پرویز مشرف کے خلاف غداری کا مقدمہ چلانے کی درخواست پرسپریم کورٹ کا تین رکنی بنچ قائم کردیا گیا، بنچ کی سربراہی چیف جسٹس افتخارمحمد چوہدری کریں گے۔


سپریم کورٹ میں دائر کی گئی درخواست میں ہائی کورٹ بار ایسوسی ایشن کے سابق صدر احسن الدین نے موقف اختیار کیا تھا کہ عدالت سابق صدر پرویزمشرف کے 3 نومبر کے اقدامات کو غیر آئینی قرار دے چکی ہے، آئین توڑنے کی پاداش میں سابق صدر پرویز مشرف کے خلاف آرٹیکل 6 کے تحت کارروائی کی جائے، سپریم کورٹ نے درخواست سماعت کے لیے منظور کرتے ہوئے چیف جسٹس افتخار محمد چوہدری کی سربراہی میں تین رکنی بنچ قائم کردیا جو پیر سے کیس کی سماعت کرے گا۔