انتخابات ہوں گے یا نہیں اس کا پتہ نہیں لیکن ہماری تیاری مکمل ہے عمران خان

پاکستان تحریک انصاف کے چیرمین عمران خان کا کہنا ہے کہ مجھے پتہ نہیں الیکشن ہونے ہیں یا نہیں لیکن تحریک انصاف کی الیکشن کی تیاری مکمل ہے۔


کراچی ایئرپورٹ پر میڈیا کے نمائندوں سے بات کرتے ہوئے عمران خان کا کہنا تھا کہ پرویز مشرف کی آمد پر مسلم لیگ (ن) پر سناٹا چھایا ہوا ہے، ایسا لگتا ہے جیسے نواز شریف اور (ن) لیگ کو پتہ ہی نہیں کہ پرویز مشرف واپس آ چکے ہیں، پرویز مشرف کی واپسی سے پہلے مسلم لیگ (ن) بڑے بڑے دعوے کرتی تھی۔ انہوں نے کہا کہ 22 سال پہلے کی طرح انتخابات میں پیچھے سے ایک ٹیم آئے گی اور ورلڈ کپ جیت کر لے جائے گی اور وہ ٹیم تحریک انصاف کی ہو گی۔

عمران خان نے کہا کہ تحریک انصاف نے ابھی پارٹی ٹکٹ دیئے ہی نہیں تو احتجاج کس بات پر ہو رہے ہیں،ابھی امیدواروں کی لسٹ تیار کی ہے اور 7 اپریل کو اسکروٹنی کا عمل مکمل ہونے کے بعد حتمی امیدواروں کو ٹکٹ دیئے جائیں گے۔