یوم شہادت علیؓ کا مرکزی جلوس آج امام بارگاہ دادن شاہ سے برآمدہوگا

ملک بھرکی طرح حیدرآباد میں بھی21 رمضان المبارک کو حضرت علیؓ کی شہادت کے موقع پر مرکزی ماتمی جلوس برآمد ہو گا۔انجمن امامیہ سندھ کے زیر اہتمام امام بارگاہ دادن شاہ سے مرکزی جلوس بعد نماز جمعہ برآمد ہوگا

جو مقررہ راستوں صدر، لجپت روڈ اور محفل حسینی سے ہوتا ہوا وقت افطار نماز مغربین کے موقع پر قدم گاہ علیؓ پر اختتام پزیر ہو گا،اس کے علاوہ محفل حسینی، امام بارگاہ گل شاہ رضویہ، امام بارگاہ ابوتراب، شمائلہ امام بارگاہ، ایلیکاٹ جو پڑ سمیت حیدر آباد شہر، لطیف آباد، قاسم آباد اور حسین کی مختلف امام بارگاہوں میں مجالس عزا منعقد ہوں گی۔


قبل ازیں11بجے یوم شہادت حضرت علیؓ کے سلسلے میں امام بارگاہ دادن شاہ کربلا میں انجمن امامیہ سندھ کے زیر اہتمام مرکزی مجلس عزا ہوگی۔