بہت جلد عوام کو فلم انڈسٹری کی جانب سے خوشخبری ملے گی ثمینہ پیرزادہ

اداکارہ ثمینہ پیرزادہ کا کہنا ہے کہ بہت جلد پاکستانی عوام کوفلم انڈسٹری کی جانب سے خوش خبری ملے گی اور ایک بار پھر ہم اپنی فلم بحال کرنے میں کامیاب ہوجائینگے۔


ان خیالات کا اظہار انھوں نے ایکسپریس سے بات چیت کے دوران کیا۔ ان کا کہنا تھا کہ پاکستانی عوام کی بھی فنکاروں کی طرح دیرینہ خواہش تھی کہ ہمارے سینما گھر آباد ہوں مگر ایک مثال ہے نہ کہ صبر کا پھل میٹھا ہوتا ہے سو جو کچھ بھی ہو امیں سمجھتی ہوں کہ اچھے کے لیے ہوا ہوگا۔

ایک سوال کے جواب میں اداکارہ ثمینہ پیرزادہ کا کہنا تھا کہ نئے فنکاروں کا جذبہ دیکھ کر میں یہ بات بہت وثوق کے ساتھ کہہ سکتی ہوں کہ ہماری شوبزانڈسٹری مستقبل میں اپنا بہت مضبوط حوالہ بنالے گی جو ہم سب چاہتے ہیں ہاں تک ڈرامہ انڈسٹری کی موجودہ صورت حال کی بات ہے تو ہم ماضی کے مقابلے میں اس وقت بہت بہتر ہیں اورہرتیسرے ماہ ہمارے ہاں کوئی نیا ڈرامہ دیکھنے میں آتاہے یہ خوش آئند بات ہے۔