مسائل کے باوجود انتخابات کیلئے بھرپور تعاون ہماری ذمہ داری ہےرجسٹرار سپریم کورٹ

لاہور:
رجسٹرار سپریم کورٹ نے کہا ہے کہ ریٹرننگ افسروں کو درپیش مسائل کے باوجود الیکشن کے انعقاد کے لئے بھرپور تعاون ہماری ذمہ داری ہے۔


اپنے ایک بیان میں رجسٹرار سپریم کورٹ نے کہا کہ ملک کے لئے موجودہ انتخابات کی اہمیت حساس نوعیت کی ہے۔ ہم سب کو اس چیلنج کا مقابلہ کرتے ہوئے اپنا کردار ادا کرنا ہے۔ الیکشن کمیشن کی جانب سے امیدواروں کے کاغذات نامزدگی کی جانچ پڑتال کے لئے نیب، ایف بی آر اور اسٹیٹ بینک کا فراہم کردہ ڈیٹا ریٹرننگ افسروں کو بروقت موصول نہیں ہوا۔

رجسٹرار سپریم کورٹ نے کہا کہ ریٹرننگ افسروں کو کاغذات نامزدگی کی وصولی اور ان کی جانچ پڑتال کے عمل میں کئی مشکلات کا سامنا رہا تاہم مسائل کے باوجود الیکشن کے انعقاد کے لئے بھرپور تعاون ہماری ذمہ داری ہے۔