2018 کے انتخابات کوئی خلائی مخلوق نہیں کروارہی الیکشن کمیشن

ترجمان الیکشن کمیشن کا کہنا ہے کہ انتخابات کوئی خلائی مخلوق نہیں کروارہی بلکہ الیکشن کمیشن عام انتخابات 2018 کیلئے مکمل تیار ہے۔

الیکشن کمیشن نے وزیر اعظم کے خلائی مخلوق والے بیان کی تردید کرتے ہوئے کہا الیکشن کمیشن عام انتخابات 2018 کے لیے مکمل تیار ہے اور انتخابات کوئی خلائی مخلوق نہیں کروارہی، یہ بیان آئین کی روح اور الیکشن کمیشن کے مینڈیٹ کے خلاف ہے جب کہ الیکشن کمیشن آئینی وقانونی ذمہ داریوں میں مکمل آزاد ہے۔

اس خبرکوبھی پڑھیں: ریاست پرایک ستون نے قبضہ کرلیا ہے


ترجمان الیکشن کمیشن نے پریس کانفرنس کرتے ہوئے کہا کہ اہم منصب پر فائز شخصیات ایسے بیانات سے گریز کریں، ایسے بیانات محض قیاس آرائیوں اور مفروضوں پر مبنی ہوتے ہیں، ایسے بیانات آئین کا تمسخر اڑانے کے مترادف ہیں۔

اس خبر کو بھی پڑھیں : آئندہ انتخابات 90 نہیں 60 دن میں ہوں گے

واضح رہے کہ گزشتہ روز صحافیوں سے غیر رسمی گفتگو میں وزیراعظم شاہد خاقان عباسی کا کہنا تھا کہ اسمبلی اپنی مدت پوری کرے گی، آئندہ انتخابات شفاف ہوں گے اور الیکشن 90 دن میں نہیں بلکہ 60 دن میں ہوں گے جب کہ خلائی مخلوق انتخابات کرائے گی لیکن ہم انتخابات میں حصہ لیں گے۔