مشرف کو عدالت کا سامنا کرنا اور فیصلہ ماننا ہوگاشہباز

سابق وزیراعلیٰ شہباز شریف نے کہا ہے کہ سابق صدر پرویزمشرف کے ساتھ آئین اور قانون کے تقاضے پورے کیے جائیں گے۔

ان کو عدالت کا سامنا کرنا اور فیصلہ ماننا ہوگا۔ میں امید کرتا ہوں کہ عدالت اور افواج پاکستان آئین کے مطابق قانون کی پاسداری کریں گے۔ آج وقت آگیا ہے کہ آئین اور قانون کا بول بالا ہو۔ ایکسپریس نیوز کے پروگرام 'تکرار' میں میزبان عمران خان سے گفتگو میں انھوں نے کہاکہ میں نے پارٹی کے فیصلے کے باعث عمران خان کے مقابلے میں کاغذات نامزدگی جمع نہیں کرائے۔




انشااللہ حنیف عباسی اور ایازصادق، عمران خان کوہرا دینگے ۔انھوں نے کہا کہ اس میں کوئی شک نہیں کہ شہروں میں ن لیگ کا مقابلہ پی ٹی آئی سے اور دیہات میں پیپلز پارٹی سے ہوگا۔ ہم لاہور کی قومی اسمبلی کی13کی13سیٹیں جیتیں گے، اگر چودہویں سیٹ ہوتی تو وہ بھی جیت جاتے ۔انھوں نے کہا کہ پرویزمشرف نے جو بویا ہے وہ کاٹناہوگا۔ انھوں نے کہاکہ تحریک انصاف تو صرف نعرے لگارہی ہے لیکن ہم نے نعرے نہیں کام کرکے دکھایا ہے۔