پاکستان میں کسی سیاسی جماعت یا رہنما کی حمایت نہیں کررہے رچرڈاولسن

پاکستان میں تعینات امریکی سفیر رچرڈ اولسن نے کہا ہے کہ امریکا پاکستان میں کسی سیاسی جماعت یا رہنما کی حمایت نہیں کررہااور پاکستان کے عوام کواپنے مستقبل کی قیادت کا فیصلہ خود کرنا ہے۔


رچرڈ اولسن کا کہنا تھا کہ امریکا پاکستان میں شفاف اور غیر جانبدارانہ انتخابی عمل کا حامی ہے کیونکہ اسی کے ذریعے ملک میں جمہوریت اور ادارے مستحکم ہوں گے۔ انہوں نے کہا کہ امریکا جمہوری عمل کے نتیجے میں بننے والی ہر حکومت کے ساتھ مل کر کام کرنا چاہتا ہے اسے اس سے کوئی غرض نہیں کہ انتخابات کا کیا نتیجہ نکلتا ہے ۔

رچرڈ اولسن کا کہنا تھا کہ پاکستان کے عوام انتخابات کے ذریعے اپنے ملک کی مستقبل کی قیادت منتخب کریں امریکا پاکستان میں جمہوریت کی حمایت جاری رکھے گا۔