تحریک انصاف کا یکم مئی کو کراچی میں ہونے والا جلسہ منسوخ

تحریک انصاف نے امن و امان کے پیش نظر یکم مئی کو ہونے والا جلسہ منسوخ کردیا ہے۔


تحریک انصاف کے ترجمان کی جانب سے جاری کئے گئے بیان کے مطابق یکم مئی کو مزار قائد پر تحریک انصاف کا جلسہ عام ہونا تھا جس میں تحریک انصاف کے چئیرمین عمران خان خطاب کرنے والے تھے تاہم شہر میں امن و امان کی مخدوش صورت حال کے پیش نظر جلسہ عام کو منسوخ کردیا گیا ہے ۔

واضح رہے کہ کراچی میں گزشتہ چار روز کے دوران ایم کیو ایم اور عوامی نیشنل پارٹی کے انتخابی دفاتر اور کارنر میٹنگز کے دوران ہونے والے دھماکوں میں 22 افراد اپنی جانوں سے ہاتھ دھو بیٹھے ہیں جبکہ درجنوں زخمی مختلف اسپتالوں میں زیرعلاج ہیں۔