افغانستان میں ایساف کے طیارے کو حادثہ 4افراد ہلاک

ایساف کے ترجمان کے مطابق طیارے کو حادثہ جنوبی افغان میں پیش آیا، غیر ملکی فورسز نے علاقے کو گھیرے میں لے کرحادثے کی تحقیقات شروع کر دی ہے تاہم ابھی تک حادثے کی وجہ معلوم نہیں ہوسکی کیونکہ جائے حادثہ کے اطراف شدت پسندوں کی کوئی سرگرمیاں بھی نہیں تھیں۔ ایساف حکام نے ہلاک ہونے والوں کی شہریت اور ان کی ذمہ داریوں کے بارے میں تفصیلات بتانے سے انکار کردیا ہے۔

واضح رہے کہ افغانستان میں 2001 سے اب تک دہشتگردی کے خلاف جنگ میں 3284 غیر ملکی فوجی ہلاک ہو چکے ہیں۔