تحریک انصاف کا ایک اور امیدوار سنگین مقدمات میں ملوث

MUZAFFARABAD/SIALKOT, NAROWAL:
پنجاب اسمبلی کے حلقہ پی پی 50 سے تحریک انصاف کے امیدوار سجاد مہیس کے خلاف قتل، اقدامِ قتل اور زنا بالجبر جیسے سنگین مقدمات درج ہیں۔

تحریک انصاف کے پارلیمانی بورڈ کی جانب سے الیکشن میں حصہ لینے کے لئے ایک اور مجرم کو پارٹی ٹکٹ جاری کردیا گیا۔ پارلیمانی بورڈ نے پنجاب اسمبلی کے حلقہ پی پی 65 سے ارشد ککو نامی شخص کو ٹکٹ جاری کیا تھا جس کے خلاف تھانہ صدر منڈی بہاؤالدین اور تھانہ سول لائن میں 21 مقدمات درج ہیں۔


اس خبرکوبھی پڑھیں: 21 مقدمات میں نامزد ملزم کو انتخابی ٹکٹ جاری

اب تحریک انصاف نے پنجاب اسمبلی کے حلقہ پی پی 50 نارووال سے سجاد مہیس کو ٹکٹ جاری کیا ہے جس کے خلاف قتل، اقدام قتل اور زنابالجبر سمیت مختلف نوعیت کے سنگین مقدمات درج ہیں۔

ذرائع کے مطابق سجاد مہیس کے خلاف زنا بالجبر کا مقدمہ نمبر120-02 اسلامک لا457 کے تحت تھانہ صدر نارووال میں، قتل کے 2 مقدمات تھانہ بدو ملہی اور قتل ،اقدام قتل کا مقدمہ نمبر63-02بھی تھانہ صدر ناروال میں درج ہے ۔ سجاد مہیس پر لاہور کے تھانہ گجرپورہ لاہور نمبر196-07میں بھی تین افراد کے قتل کا مقدمہ درج ہے۔