25 جولائی کو عمران خان کے غبارے سے ہوا نکل جائے گی احسن اقبال

سابق وزیر داخلہ اور (ن) لیگ کے رہنما احسن اقبال کا کہنا ہے کہ 25 جولائی کو عمران خان کے غبارے سے ہوا نکل جائے گی اور (ن) لیگ 2013 سے بڑی کامیابی حاصل کرے گی۔


لاہور میں میڈیا سے گفتگو میں سابق وزیر داخلہ اور (ن) لیگ کے رہنما احسن اقبال کا کہنا تھا کہ (ن) لیگ کی انتخابی مہم عوام چلارہے ہیں، لیگی حکومت سے پہلے ملک میں بجلی نہیں تھی تاہم عوام اب شکر کرتے ہیں کہ رات کو بجلی آتی ہے۔ ان کا کہنا تھا کہ (ن) لیگ کے خلاف یکطرفہ کارروائیاں ہورہی ہیں، عوام کی ہمدردیاں مسلم لیگ (ن) کے پلڑے میں آرہی ہیں جب کہ ملک کو ترقی دینے والے کٹہرے میں کھڑے ہیں۔

احسن اقبال کا کہنا تھا کہ 25 جولائی کو (ن) لیگ 2013 سے بڑی کامیابی حاصل کرے گی، 25 جولائی کو عمران خان کے غبارے سے ہوا نکل جائے گی، عمران خان کے یوٹرن لینا ان کی غیر سنجیدگی کا اظہار ہے، جب فیصلے کرلیے جائیں تو یوٹرن نہیں لیے جاتے۔