بولڈ سین دوسری اداکارائیں بھی کرتی ہیں لیکن تنقید صرف مجھ پر کی جاتی ہے وینا ملک

اداکارہ وینا ملک کا کہنا ہے کہ وہ بولڈ سین کرنے والی اکیلی اداکارہ نہیں ہیں پھر بھی انہیں تنقید کا نشانہ بنایا جاتا ہے۔

ایک بھارتی اخبار کو انٹرویو دیتے ہوئے وینا ملک کا کہنا تھا کہ انہوں نے کبھی کوئی انوکھا کام نہیں کیا اور اکثر فلموں میں بڑی بڑی اداکارائیں بولڈ سین کرتی رہی ہیں اوروہ اپنے خلاف ہونے والی تنقید پر حیران ہیں۔ انہوں نے کہا کہ بھارت میں مجھ پر تنقید صرف اس لئے کی جاتی ہے کیوں کہ میرا تعلق پاکستان سے ہے۔

وینا ملک کا کہنا تھا کہ انہوں نے بھارتی قیدی سربجیت کے کیس سے متعلق ایک بیان دیا تھا جس پر انہیں سوشل میڈیا پر نفرت سے بھرپور تبصروں کا سامنا کرنا پڑا جب کہ وینا ملک نے اپنی شادی کی خبروں کی بھی تردید کی۔