ہر کام دھیان سے ہی کرتی ہوں کنگنا رناوت

ISLAMABAD:
بالی وڈ اداکارہ کنگنا رناوت نے کہاہے کہ مصروفیت میں اضافہ کے باوجود فیملی کو بھی وقت دیتی ہوں، انھوں نے کہا کہ ہر کام دھیان سے کرتی ہوں۔

قبل ازیں اداکارہ نے بتایا کہ وہ ان لوگوں کے لیے اپنی توانائیاں خرچ کرتی ہے جو واقعی اس کو چاہتے ہیں۔ فلم شوٹ آؤٹ ایٹ و ڈالا ک تشہیری مہم کے دوران لیڈینگ کنگنا کی غیر موجودگی ان دنوں موضوع بحث ہے۔ ایک انٹرویو میں اداکارہ نے کہا کہ وہ ان کے لیے ہی اپنی توانائی خرچ کرنا چاہے گی جو اس کے طلب گار ہیں۔




کنگنا نے اس فلم کے بارے یہ اعتراض بھی ظاہر کیا تھا کہ فلم میں اس کے لیڈینگ رول کے بجائے فلم کے تین آئٹم سانگز پر زیادہ توجہ دی جا رہی ہے جو پرینکا چوپڑا ، سنی لیون اور صوفی چوہدری پر فلمائے گئے ہیں۔ اداکارہ کو فلم کے پوسٹر پر بھی اپنی غیر موجودگی پر ناراضگی ہے تاہم کنگنا کا کہنا ہے کہ اس کو فلم کے بارے مثبت رد عمل سے خوشی ہے۔