کوئٹہ پیپلزپارٹی کے دفتر میں دھماکا 5 افراد زخمی

مغربی بائی پاس کے قریب پیپلزپارٹی کے دفتر میں دھماکے کے نتیجے میں 5 افراد زخمی ہوگئے۔


پولیس کے مطابق بروری روڈ پر مغربی بائی پاس کے قریب پیپلز پارٹی کے امیدوار برائے این اے 260 سردار عمر گورگیج کے انتخابی دفتر کی چھت پر نامعلوم افراد نے دھماکا خیز مواد نصب کر رکھا تھا جسے صبح کے وقت ریموٹ کنٹرول سے اڑادیا گیا جس کے نتیجے میں 5 افراد زخمی ہوگئے اور دفتر کی چھت میں سوراخ ہوگیا۔

دھماکے سے دو گاڑیوں کو نقصان پہنچا اور قریب عمارتوں کے شیشے ٹو ٹ گئے، ریسکیو ٹیموں نے جائے حادثہ پر زخمیوں کو بی ایم سی اسپتال منتقل کردیا جہاں انہیں طبی امداد فراہم کی جارہی ہے، دھماکے کے بعد پولیس اور سکیورٹی فورسز نے علاقے کو گھیرے میں لے کر تحقیقات شروع کردی۔