راولپنڈی این اے 56 میں مسلم لیگ ن اور تحریک انصاف کے کارکنوں میں تصادم 5 افراد زخمی

این اے 56 میں پاکستان مسلم لیگ ن اور پاکستان تحریک انصاف کے کارکنوں کے درمیان تصادم ميں 5 افراد زخمی ہو گئے۔


ایکسپریس نیوز کے نمائندے عمران اصغر کے مطابق دونوں جماعتوں کے کارکنوں نے ایک دوسرے کے انتخابی دفاتر پر حملہ کیا اور توڑ پھوڑکی، دونوں جماعتوں کے مشتعل کارکنوں نے ایک دوسرے پر فائرنگ کی اور ڈنڈوں اور بلوں کا آزادانہ استعمال کیا جس سے 5 افراد زخمی ہو گئے، زخمیوں کو طبی امداد کیلئے بے نظیر اسپتال منتقل کر دیا گیا۔ تصادم کے بعد حالات کو مزید بگڑنے سے بچانے کیلئے پولیس کی بھاری نفری بھی موقع پر پہنچ گئی۔

واضح رہے کہ این اے 56 پر پاکستان مسلم لیگ ن کے حنیف عباسی اور پاکستان تحریک انصاف کے چیئرمین عمران خان مدمقابل ہیں جن کے درمیان کانٹے دار مقابلہ متوقع ہے۔