عوام کا مینڈیٹ چوری کرنے والوں کو کیفر کردار تک پہنچائیں گے مولانا فضل الرحمان
پیپلز پارٹی نے بھی انتخابات کو بدترین دھاندلی زدہ قرار دیا ہے، مولانا فضل الرحمان
ان انتخابات کو مسترد کرتے ہیں،مولانا فضل الرحمان،فوٹو: فائل
لاہور:
متحدہ مجلس عمل کے صدر مولانا فضل الرحمان نے انتخابات کو دھاندلی زدہ قرار دیتے ہوئے کہا ہے کہ عوام کا مینڈیٹ چوری کرنے والوں کو کیفر کردار تک پہنچائیں گے۔
ایکسپریس نیوز کے مطابق (ن) لیگ سے مذاکرات کے بعد پیپلز پارٹی کے وفد نے اسلام آباد میں مولانا فضل الرحمان سے ملاقات کرکے الیکشن کے نتائج کے بعد پیدا ہونے والی صورتحال، سیاسی جماعتوں کے انتخابی نتائج پر اعتراضات، تحفظات اور پارلیمان کے بائیکاٹ کے معاملے پر بات چیت کی اور آئندہ کے لائحہ عمل پر غور کیا۔
یہ بھی پڑھیں: مسلم لیگ (ن) اور پیپلز پارٹی میں اعلیٰ سطح مذاکرات
بعدازاں میڈیا سے بات کرتے ہوئے مولانا فضل الرحمان نے کہا کہ 25 جولائی کے انتخابات دھاندلی زدہ تھے ہم ان انتخابات کو مسترد کرتے ہیں، پیپلز پارٹی نے بھی انتخابات کو بدترین دھاندلی زدہ قرار دیا ہے اس معاملے پر دیگر سیاسی جماعتوں میں بھی یکجہتی موجود ہے۔ انہوں نے کہا کہ انتخابات میں عوام کے مینڈیٹ کو چوری کیا گیا ہم دھاندلی کے ذمہ داروں کو کیفر کردار تک پہنچائیں گے۔
اس موقع پر پیپلز پارٹی کے رہنما و سابق وزیر اعظم یوسف رضا گیلانی کا کہنا تھا کہ ہمارا مشترکہ مطالبہ ہے کہ چیف الیکشن کمشنر مستعفی ہوں اور انتخابی نتائج پر احتجاج و جدوجہد کے لیے مولانا فضل الرحمان سے ابتدائی بات چیت ہوئی ہے، مذاکرات کا یہ عمل جاری رہے گا اور مشترکہ نکات پر اتفاق کرکے لائحہ عمل تیار کیا جائے گا۔
متحدہ مجلس عمل کے صدر مولانا فضل الرحمان نے انتخابات کو دھاندلی زدہ قرار دیتے ہوئے کہا ہے کہ عوام کا مینڈیٹ چوری کرنے والوں کو کیفر کردار تک پہنچائیں گے۔
ایکسپریس نیوز کے مطابق (ن) لیگ سے مذاکرات کے بعد پیپلز پارٹی کے وفد نے اسلام آباد میں مولانا فضل الرحمان سے ملاقات کرکے الیکشن کے نتائج کے بعد پیدا ہونے والی صورتحال، سیاسی جماعتوں کے انتخابی نتائج پر اعتراضات، تحفظات اور پارلیمان کے بائیکاٹ کے معاملے پر بات چیت کی اور آئندہ کے لائحہ عمل پر غور کیا۔
یہ بھی پڑھیں: مسلم لیگ (ن) اور پیپلز پارٹی میں اعلیٰ سطح مذاکرات
بعدازاں میڈیا سے بات کرتے ہوئے مولانا فضل الرحمان نے کہا کہ 25 جولائی کے انتخابات دھاندلی زدہ تھے ہم ان انتخابات کو مسترد کرتے ہیں، پیپلز پارٹی نے بھی انتخابات کو بدترین دھاندلی زدہ قرار دیا ہے اس معاملے پر دیگر سیاسی جماعتوں میں بھی یکجہتی موجود ہے۔ انہوں نے کہا کہ انتخابات میں عوام کے مینڈیٹ کو چوری کیا گیا ہم دھاندلی کے ذمہ داروں کو کیفر کردار تک پہنچائیں گے۔
اس موقع پر پیپلز پارٹی کے رہنما و سابق وزیر اعظم یوسف رضا گیلانی کا کہنا تھا کہ ہمارا مشترکہ مطالبہ ہے کہ چیف الیکشن کمشنر مستعفی ہوں اور انتخابی نتائج پر احتجاج و جدوجہد کے لیے مولانا فضل الرحمان سے ابتدائی بات چیت ہوئی ہے، مذاکرات کا یہ عمل جاری رہے گا اور مشترکہ نکات پر اتفاق کرکے لائحہ عمل تیار کیا جائے گا۔