بھارتی ڈرامہ کا سحر ہم نے ہی ختم کیا ہمایوں سعید

ٹیلی ویژن کے معروف اداکار ہمایوں سعید نے کہا کہ ہمیں اپنے ڈرامے پر فخر ہے جو لوگ ہماری ٹی وی انڈسٹری کے خلاف باتیں کررہے ہیں، انھیں اس مقصد میں کامیابی حاصل نہیں ہوگی۔


ایک انٹرویو میں انہوں نے کہا کہ پاکستانی ڈرامہ دنیا بھر میں سب سے زیادہ پسند کیا جاتا ہے یہ کہنا کہ کچھ عرصہ سے ہمارا ڈرامہ زوال پزیر ہے یہ تاثر درست نہیں، وقت گزرنے کے ساتھ ساتھ ہم بہتری کی طرف بڑھ رہے ہیں اور مستقبل میں ہم اور بھی اچھا کام کریں گے ہم نے بھارتی ڈراموں کو سحر ختم کیا اور پاکستانی ٹی وی ڈرامے کو مقبول بنانے کے لیے بھر پور جدوجہد کی ہے۔

انھوں نے کہا پاکستان میں فلم انڈسٹری کا مستقبل روشن ہے ان دنوں بہت سے نوجوان فلمیں بنانے میں مصروف ہیں جن کی خواہش ہے کہ پاکستان میں سنیما کلچرل کو ایک بار پھر فروغ حاصل ہو،انھوں نے کہا میری فلم عید کے موقع پر نمائش کے لیے پیش کی جائے گی،فلم کا بیشتر کام مکمل ہوچکا ہے امید ہے کہ یہ فلم بھی عوام کی توقعات پر پورا اترے گی۔