امریکی کانگریس کی رکن شیلا جیکسن کی عمران خان کو کامیابی پر مبارکباد

امریکی رکن کانگریس شیلا جیکسن نے انتخابات میں کامیابی پر عمران خان کو مبارکباد دی ہے۔

چیئرمین پاکستان تحریک انصاف عمران خان اور امریکی کانگریس کی رکن شیلا بی جیکسن کے درمیان ٹیلی فون پر گفتگو ہوئی ہے۔ رابطہ سینئرپی ٹی آئی رہنما عمران اسماعیل کی توسط سے ہوا۔


تحریک انصاف کے مطابق امریکی رکن کانگریس نے انتخابات میں کامیابی پر عمران خان کو مبارکباد دی اور تحریک انصاف کے لیے نیک تمناؤں کا اظہار کیا۔ انھوں نے نئی حکومت کی حمایت اور اس سے تعاون کا اعلان بھی کیا۔ شیلا بی جیکسن نے حکومت سازی کے بعد وفد کے ہمراہ پاکستان کے دورے کا عزم ظاہر کیا۔