رحمن ملک منظر نامے سے غائب پارٹی رہنمائوں کے فون سننا بھی بند کردیے

پیپلزپارٹی کے سینیٹر رحمن ملک عام انتخابات میں پیپلزپارٹی کی عبرتناک شکست کے بعد سیاسی منظرنامے سے غائب ہیں ۔


پارٹی رہنمائوں کے فون سننا بھی بندکردیے ۔ پیپلزپارٹی کے ذرائع کے مطابق عام انتخابات میں پیپلزپارٹی کی شکست کے بعدجب پارٹی رہنمائوں نے عام انتخابات میں دھاندلی کے حوالے سے پارٹی موقف کیلیے رحمن ملک سے رابطے کیے توان کے سیکریٹری کی جانب سے مسلسل رحمن ملک کے مصروف ہونے کا کہاگیا اور آج کل عام انتخابات سے پہلے شریف برادران پر الزامات کی بوچھاڑ کرنے والے رحمن ملک خود سیاسی منظر نامے سے غائب ہوچکے ہیں۔